اتالعان كلۋب بيىل 5 قىركۇيەكتە اشىلىپ, جاسوسپىرىمدەر تاراپىنان قولداۋ تاپقان بولاتىن. ساباق بارىسىندا شەكاراشىلار بالالارعا شەكارا قىزمەتىندە قولدانىلاتىن اسكەري تەحنيكا, قارۋ-جاراق ۇلگىلەرى, بايلانىس قۇرالدارى مەن ارنايى كيىم تۇرلەرىن تانىستىردى. سونداي-اق شەكارالىق باقىلاۋدا پايدالانىلاتىن زاماناۋي تەحنيكالىق قۇرىلعىلار كورسەتىلدى.
بۇل كۇننىڭ ەرەكشە ءساتى – جاڭا قاتىسۋشى رۋستام سىزدىقوۆتىڭ سالتاناتتى انت قابىلداۋ ءراسىمى بولدى. اسكەري انتتى قابىلداۋ ءراسىمىن «زاستاۆا تارلاندارى» رەسپۋبليكالىق قوعامدىق بىرلەستىگىنىڭ ارداگەرلەرى وتكىزدى.
جاس شەكاراشىلار وزدەرىن ناعىز اسكەري ورتادا سەزىنىپ, ولاردىڭ اراسىنان كلۋب مۇشەسى تيموفەي ۆوروبەۆ ءوز قۋانىشىن جاسىرا الماي: «ماعان بۇگىنگى ساباق وتە ۇنادى. ءبىز شەكاراشىلاردىڭ ەرلىككە تولى ومىرىمەن تانىسىپ, ولاردىڭ ەڭبەگىنە قۇرمەتپەن قاراۋدى ۇيرەندىك. ارداگەرلەر مەن شەكارىشى قۇرامىنا شىن جۇرەكتەن العىس ايتامىز», دەدى.
ءىس-شارا سوڭىندا بالالار مەن شەكاراشىلار ەستەلىك سۋرەتكە ءتۇسىپ, جىلى لەبىزدەرمەن ءبولىستى. بۇل كەزدەسۋ جاس بۋىننىڭ جۇرەگىنە پاتريوتتىق رۋح پەن وتانعا دەگەن سۇيىسپەنشىلىكتى ۇيالاتقان تاعىلىمدى كۇن بولدى.
