ءدارى-دارمەكتى تىركەۋ مەرزىمى جەدەلدەتىلدى

«جالپى العاندا تمككك جانە ءمامس شەڭبەرىندە شەكتى باعالاردىڭ تومەندەۋى شامامەن – 19%, ال كوتەرمە جانە بولشەك ساۋدا سەگمەنتتەرىندە – 30%», دەپ حابارلادى ۇكىمەتتىڭ ءباسپاسوز قىزمەتى.

سونىمەن قاتار دارىلىك زاتتاردى تىركەۋ مەرزىمى ايتارلىقتاي قىسقارتىلدى. ەندى بۇل پروتسەسس 100 جۇمىس كۇنى ىشىندە اياقتالادى. ال اقش, ەۋروپالىق وداق, ۇلىبريتانيا جانە جاپونيا سىندى رەتتەۋشىلىك سەنىمى جوعارى ەلدەر ءۇشىن تىركەۋ مەرزىمى ء«بىر تەرەزە» قاعيداتى ارقىلى بار-جوعى 15 كۇنگە دەيىن قىسقارتىلادى.

ايتا كەتەيىك, وتاندىق فارماتسەۆتيكا ونەركاسىبى سەرپىندى دامىپ كەلەدى. 2029 جىلعا قاراي وتاندىق ءوندىرىس ۇلەسىن 50 پايىزعا جەتكىزۋ كوزدەلگەن. قازىرگى تاڭدا 210 ءوندىرۋشى تىركەلىپ, ونىڭ 43-ءى دارىلىك پرەپارات شىعارادى. وتكەن جىلى سالا ءوندىرىسى 21,8%-عا ءوسىپ, ينۆەستيتسيا كولەمى ەكى ەسەگە ارتتى, ال ەكسپورت كورسەتكىشى 32,9%-عا كوبەيگەن.

«وتاندىق كاسىپورىندارمەن 90 ۇزاقمەرزىمدى كەلىسىمشارت جانە الەمدىك فارماتسەۆتيكالىق كومپانيالار – Pfizer, Hoffmann-La Roche جانە AstraZeneca-مەن ءۇش كەلىسىمشارت جاسالدى. جالپى قۇنى 400 ملرد تەڭگەگە جۋىق توعىز ينۆەستيتسيالىق جوبا قاراستىرىلىپ جاتىر», دەلىنگەن حابارلامادا.

فارماتسەۆتيكا نارىعىنىڭ جىلدىق ءوسىمى 10–13% دەڭگەيىندە ساقتالىپ وتىر.