فوتو: informburo_kz
«كاپيتان بايتاسوۆ» — شىنايى وقيعا نەگىزىندە تۇسىرىلگەن كوركەم تۋىندى. فيلم 2011 جىلدىڭ 12 قاراشاسىندا تاراز قالاسىندا بولعان قايعىلى جاعدايدى بەينەلەيدى. سول كۇنى پوليتسيا كاپيتانى عازيز بايتاسوۆ ءوز ءومىرىن قۇربان ەتىپ, لاڭكەستى توقتاتىپ, بەيبىت تۇرعىنداردى اجالدان امان الىپ قالعان.
باتىردىڭ بۇل ەرلىگى ەل جادىندا ماڭگى ساقتالىپ, وتانسۇيگىشتىكتىڭ, ازاماتتىق پارىز بەن ادالدىقتىڭ ۇلگىسىنە اينالدى. ەرلىگى ءۇشىن عازيز بايتاسوۆقا «حالىق قاھارمانى» اتاعى بەرىلگەن. ول ىشكى ىستەر ورگاندارىندا جيىرما جىلعا جۋىق قىزمەت ەتكەن.
ءفيلمدى «قازاقفيلم» كينوستۋدياسى مادەنيەت جانە اقپارات مينيسترلىگىنىڭ تاپسىرىسى بويىنشا تۇسىرگەن. كارتينا پاتريوتيزم, ازاماتتىق بورىش جانە قۇقىق قورعاۋ قىزمەتكەرلەرىنىڭ قاھارماندىعى تاقىرىپتارىن اشادى.
كوركەم تۋىندىنىڭ رەجيسسەرى — داۋرەن قامشىباەۆ. باستى رولدەردى بەلگىلى اكتەرلەر ازامات ساتىبالدى, ەركەبۇلان دايىروۆ, اسان ماجيت, دارحان سۇلەيمەنوۆ, قوبىلاندى بولات جانە «كانن» جۇلدەگەرى سامال ەسلياموۆا سومدايدى.
دراما مەن ەكشن جانرلارىن توعىستىرعان «كاپيتان بايتاسوۆ» كورەرمەنگە تەرەڭ وي مەن رۋحاني اسەر سىيلايتىن, ەرلىك پەن ادامگەرشىلىكتىڭ شىنايى بەينەسىن كورسەتەتىن تۋىندى بولماق.
