قر پرەزيدەنتى كەڭەسشىسى ماعزۇم مىرزاعاليەۆ مەملەكەت باسشىسى قاسىم-جومارت توقاەۆتىڭ كوزقاراسىنا سۇيەنىپ, قازاقستان بەيبىتشىلىك, سەنىم جانە جاۋاپتى ديپلوماتيا قاعيداتتارىن ءاردايىم بەرىك ۇستاناتىنىن اتاپ ءوتتى.
قر سىرتقى ىستەر ءمينيسترىنىڭ ءبىرىنشى ورىنباسارى ەرجان اشىقباەۆ قازىرگى كەزەڭدە «كونسترۋكتيۆتى كونسەنسۋستى» قالىپتاستىرۋ مەن كوپجاقتىلىقتى نىعايتۋ ماڭىزىنىڭ ارتقانىن, سەبەبى تۇراقتى جانە ءادىل الەمدىك ءتارتىپتى ساقتاۋ جاۋاپكەرشىلىگى ءبىر تاراپقا عانا ەمەس, اۋقىمدى مەملەكەتتەردىڭ بارلىعىنا جۇكتەلەتىنىن ايتتى.
فورۋمنىڭ باستى ءىس-شارالارىنىڭ ءبىرى «وزگەرمەلى جاھاندىق قاۋىپسىزدىك ارحيتەكتۋراسىنداعى ورتالىق ازيا» تاقىرىبىنداعى III ورتالىق ازيا قاۋىپسىزدىك جانە ىنتىماقتاستىق فورۋمى بولدى.
فورۋم بارىسىندا ورتالىق ازيانىڭ جەتەكشى ساراپتامالىق ورتالىقتارىنىڭ باسشىلارى حالىقارالىق قاۋىپسىزدىك جۇيەسىنىڭ ترانسفورماتسياسى وڭىرلىك تۇراقتىلىق پەن دامۋ ءۇشىن تۋىنداتاتىن سىن-قاتەرلەردى تالداپ, ايماقتىق ىنتىماقتاستىقتىڭ بولاشاعىن جانە ءوسىپ كەلە جاتقان پولياريزاتسيا جاعدايىندا جاھاندىق ديالوگقا كوپىر بولاتىن ورتالىق ازيانىڭ ءرولىن تالقىلادى.
سونداي-اق ساراپشىلار جەتەكشى دەرجاۆالاردىڭ باسەكەلەستىگى تۇرعىسىندا كوپجاقتى ىنتىماقتاستىقتىڭ كەلەشەگى, قاۋىپسىزدىك ارحيتەكتۋراسىنىڭ وزگەرۋى جانە يادرولىق قارۋسىزدانۋ مەن تاراتپاۋ بولاشاعى, اۋعانستان فاكتورىنىڭ وڭىرگە اسەرى, جاھاندىق نارىقتاردىڭ بىتىراڭقى جاعدايىنداعى ينۆەستيتسيالار, ەۋرازياداعى ساۋدا-كولىك دالىزدەرىن دامىتۋ, جاساندى ينتەللەكت پەن ونىڭ ەتيكالىق ماسەلەلەرى, سونداي-اق كليماتتىڭ وزگەرۋى مەن سۋ تاپشىلىعىنىڭ دەموگرافيالىق جانە كوشى-قون پروتسەستەرىنە ىقپالى سياقتى تاقىرىپتاردى تالقىلادى.
فورۋمنىڭ ەكى كۇندىك جۇمىسى قورىتىندىسىندا قر پرەزيدەنتى جانىنداعى قسزي ديرەكتورى جاندوس شايماردانوۆ Astana Think Tank Forum 2025 الاڭىنىڭ سەنىمگە, اشىق پىكىرتالاسقا جانە پراكتيكالىق شەشىمدەر ىزدەۋگە نەگىزدەلگەن حالىقارالىق ساراپتامالىق پلاتفورما رەتىندەگى تيىمدىلىگىن اتاپ ءوتتى.
ءىس-شارانىڭ سەرىكتەستەرى: Eurasian Resources Group (ERG) تابيعي رەسۋرستاردى ءوندىرۋ جانە وڭدەۋ سالاسىنداعى الەمدىك جەتەكشى كومپانياسى, قازاقستانداعى ءىرى تاۋ-مەتاللۋرگيا كومپانياسى – «قازاقمىس», سونداي-اق وتاندىق اۋىل شارۋاشىلىعى تەحنيكاسىن جاساۋ سالاسىنىڭ كوشباسشىسى – AGROMASH زاۋىتى.
