كەلىسىم قازاقستان مەن وڭتۇستىك كورەيا اراسىنداعى عىلىمي-تەحنولوگيالىق ىنتىماقتاستىقتىڭ جاڭا كەزەڭىن اشىپ, «AI SilkNet» عىلىمي-تەحنولوگيالىق فورسايت جانە بولجامدى تالداۋ ورتالىعىن قۇرۋدى كوزدەيدى.
جاڭا ورتالىقتىڭ ماقساتى - جاساندى ينتەللەكت, ۇلكەن دەرەكتەر جانە ستسەناريلىك مودەلدەۋ سالالارىنداعى وڭتۇستىك كورەيانىڭ وزىق تەحنولوگيالارىن قازاقستاننىڭ زياتكەرلىك الەۋەتىمەن ۇشتاستىرۋ بولىپ تابىلادى. ورتالىق الماتى قالاسىندا, پرەزيدەنت جانىنداعى ۇعا بازاسىندا ورنالاسادى. ونىڭ قىزمەتىن اكادەميا مەن KISTI-ءدىڭ بىرلەسكەن اتقارۋشى كوميتەتى باسقارادى. باسقارۋ جۇيەسى پاريتەت پەن ءوزارا تاجىريبە الماسۋ قاعيداتتارىنا نەگىزدەلىپ, جەتەكشىلىك قىزمەتتى قازاقستان مەن وڭتۇستىك كورەيا وكىلدەرى كەزەكپەن اتقاراتىن بولادى.
ازياداعى سۋپەركومپيۋتەرلىك جانە تالدامالىق تەحنولوگيالار سالاسىندا جەتەكشى ورىنعا يە KISTI جۇيەلەرىنىڭ نەگىزىندە قازاقستاندا عىلىم مەن تەحنولوگيانىڭ دامۋ ۇردىستەرىن بولجاۋعا, باسىم باعىتتاردى ايقىنداۋعا جانە ستراتەگيالىق شەشىمدەر قابىلداۋدى مەملەكەتتىك ءارى كورپوراتيۆتىك دەڭگەيدە قولداۋعا مۇمكىندىك بەرەتىن ۇلتتىق بولجامدى تالداۋ جانە فورسايت جۇيەسى قۇرىلماق.
پرەزيدەنت جانىنداعى ۇعا پرەزيدەنتى ا. كۇرىشباەۆ:
ء«بىز KISTI پرەزيدەنتى دوكتور سيك ءليدىڭ قولداۋىن جوعارى باعالايمىز جانە «AI SilkNet» ورتالىعى - عىلىم مەن تەحنولوگيانىڭ ەلدەردى ورتاق بولاشاق جولىندا بىرىكتىرۋدىڭ جارقىن ۇلگىسىنە اينالاتىنىنا سەنەمىز» دەپ اتاپ ءوتتى.
قازىرگى تاڭدا جاساندى ينتەللەكت ستراتەگيالىق ويلاۋدىڭ نەگىزگى قۇرالىنا اينالۋدا. قازاقستان ءۇشىن بۇل - رەاكتيۆتى باسقارۋدان پرواكتيۆتى باسقارۋعا كوشۋ, ياعني بولجامدار مەن ستسەناريلەردىڭ مەملەكەتتىك ساياساتتىڭ اجىراماس بولىگىنە اينالادى.
ورتالىقتىڭ قىزمەتى عىلىمي جاريالانىمدار, پاتەنتتەر مەن تەحنولوگيالار بويىنشا بىرىڭعاي تسيفرلىق پلاتفورما مەن دەرەكتەر بازاسىن قۇرۋعا, سونداي-اق فورسايت-زەرتتەۋلەرگە ارنالعان بولجامدى تالداۋ قۇرالدارىن ازىرلەۋگە باعىتتالاتىن بولادى.
ورتالىق عىلىمي-تەحنولوگيالىق ينفراقۇرىلىمدى دامىتۋ – كوپتىلدى دەرەكتەر بازالارى مەن تسيفرلىق پلاتفورمالاردى قۇرۋ, فورسايت جانە بولجاۋ – تەحنولوگيالىق بولجاۋ, سۋپەفورسايت جانە عىلىم مەن يننوۆاتسيالارداعى ۇردىستەردى تالداۋ ادىستەمەلەرىن ەنگىزۋ, ءبىلىم الماسۋ جانە كادرلار دايارلاۋ – بىرلەسكەن ءبىلىم بەرۋ باعدارلامالارىن, ترەنينگتەر مەن عىلىمي مەكتەپتەردى جۇزەگە اسىرۋ, جي ەكوجۇيەسىن دامىتۋ – زەرتتەۋشىلەر مەن بيزنەسكە قولداۋ كورسەتۋ, جاساندى ينتەللەكتىنى ەكونوميكا, ەكولوگيا جانە دەنساۋلىق ساقتاۋ سالالارىندا قولدانۋ سياقتى نەگىزگى باسىمدىقتاردى قامتيدى.
KISTI اناليتيكالىق قۇرالداردى ازىرلەۋ, دەرەكتەردى وڭدەۋ جانە تەحنولوگيالىق بولجاۋ باعىتتارىندا ساراپتامالىق قولداۋ كورسەتەدى.
بولاشاقتا «AI SilkNet» ورتالىعىنىڭ تاجىريبەسى ورتالىق ازيا ەلدەرىنە تارالىپ, دەرەكتەرگە نەگىزدەلگەن بولجاۋ مەن شەشىم قابىلداۋ بويىنشا وڭىرلىك جەلى قالىپتاستىرۋعا ىقپال ەتپەك.
وسى ىنتىماقتاستىقتىڭ نەگىزىندە قازاقستان, وڭتۇستىك كورەيادا عىلىم مەن تەحنولوگيانىڭ ۇلتتىق باسىمدىقتارىن ايقىنداۋ بارىسىندا تيىمدىلىگىن دالەلدەگەن وزىق ادىستەمەلەر مەن تاجىريبەلەرگە قول جەتكىزەدى.
الماتى
