جامبىل اۋدانىنىڭ ءبىلىم ءبولىمى حابارلاعانداي, مەكتەپ ديرەكتورى 13-قازاندا 2025 جىلدىڭ 21 قىركۇيەگى, جەكسەنبى كۇنى, ساباقتان تىس ۋاقىتتا, مەكتەپ اۋماعىنان تىس, جەكە ۇيدە كامەلەتكە تولماعانداردىڭ قاتىسۋىمەن وقيعا ورىن العانى تۋرالى حابار الىسىمەن, دەرەۋ قۇقىق قورعاۋ ورگاندارىنا حابارلاعان.
اتالعان دەرەك بويىنشا قۇقىق قورعاۋ ورگاندارى قر قىلمىستىق كودەكسىنىڭ 124-بابىنىڭ 1-بولىگى بويىنشا قىلمىستىق ءىس قوزعاپ, قازىرگى تاڭدا بارلىق ءمان-جايلاردى انىقتاۋعا باعىتتالعان پروتسەسسۋالدىق ءىس-شارالار جۇرگىزىلىپ جاتىر.
قازىرگى ۋاقىتتا وقۋشىلارمەن جەكە پروفيلاكتيكالىق جانە ءتۇسىندىرۋ جۇمىستارى جاسالدى. سونىمەن قاتار وبلىستىق پسيحولوگيالىق قولداۋ ورتالىعىنىڭ ماماندارى زارداپ شەككەن وقۋشىعا قاجەتتى پسيحولوگيالىق كومەك كورسەتىپ جاتىر.
«مەكتەپ ديرەكتورى زاڭعا سايكەس ارەكەت ەتىپ, وقيعا تۋرالى دەر كەزىندە پوليتسياعا حابارلاعان. قازىر تەرگەۋ ورگاندارى ءىستى قاراستىرۋدا, بارلىق مالىمەتتەر ءتيىستى تارتىپپەن انىقتالادى. وسى رەتتە, قوعام وكىلدەرىنەن راستالماعان اقپارات تاراتپاۋعا جانە بالالارعا قاتىستى ماسەلەلەردە جاۋاپكەرشىلىك تانىتۋعا شاقىرامىز. ەڭ باستىسى – بالانىڭ تاعدىرى مەن پسيحولوگيالىق جاعدايى», دەدى جامبىل اۋدانى ءبىلىم ءبولىمىنىڭ باسشىسى سۆەتلانا التىنبەكوۆا.
الماتى وبلىسى
