فوتو: «قازاۆتوجول»
جوبا قىتاي ەكسپورت-يمپورت بانكىنىڭ جانە رەسپۋبليكالىق بيۋدجەتتەن بىرلەسىپ قارجىلاندىرۋ ارقىلى جۇزەگە اسىرىلعان. قايتا جاڭارتۋ جۇمىستارى اباي جانە شىعىس قازاقستان وبلىستارىنىڭ اۋماعىنداعى 10 ۋچاسكە مەن 2 جول پايدالانۋ بولىمشەسىن قامتىعان.
ۋچاسكەلەردە نەگىزگى قۇرىلىس جانە اسفالتبەتون توسەۋ جۇمىستارى تولىعىمەن اياقتالعان. ال جول بويىنداعى ينفراقۇرىلىمدى اباتتاندىرۋ قاراشا ايىنىڭ سوڭىندا اياقتالادى.
«قازاۆتوجول» ۇلتتىق كومپانياسى ول قۇرىلىسىنا نەگىزىنەن وتاندىق قۇرىلىس ماتەريالدارى مەن جەرگىلىكتى جۇمىس كۇشى پايدالانىلعانىن مالىمدەدى.
جول قۇرىلىسى ءۇشىن 2,4 ملن توننا اسفالتبەتون قوسپاسى ءوندىرىلىپ, 1,3 ملن تەكشە مەتر قيىرشىق تاس پايدالانىلعان. سونداي-اق, شامامەن 1100 بىرلىك جول-قۇرىلىس تەحنيكاسى جانە 1800-دەن استام مامان تارتىلعان.
قايتا جاڭارتۋ اياسىندا 37 كوپىر, 2 جول وتكەلى, 2 كولىك ايرىعى, 349 سۋ وتكىزۋ قۇبىرى, 5 دەمالىس الاڭى جانە 2 سانيتارلىق-گيگيەنالىق توراپ سالىنعان.
«قالباتاۋ – مايقاپشاعاي» تاسجولى ەلىمىزدىڭ كولىك سالاسىنىڭ ماڭىزدى بولىگى. بۇل جول قازاقستاننىڭ ورتالىق جانە شىعىس وڭىرلەرىن قىتاي حالىق رەسپۋبليكاسىنىڭ شەكاراسىمەن بايلانىستىرادى. جوبانىڭ جۇزەگە اسىرىلۋى ترانزيتتىك الەۋەتتى ارتتىرۋعا, وڭىرارالىق جانە حالىقارالىق بايلانىستى نىعايتۋعا, جول قوزعالىسى قاۋىپسىزدىگىن قامتاماسىز ەتۋگە جانە ازاماتتار ءۇشىن قولايلى جاعداي جاساۋعا مۇمكىندىك بەرەدى. بۇل – ەلىمىزدىڭ ەكونوميكالىق تۇراقتى دامۋىنا باعىتتالعان جول ينفراقۇرىلىمىن جاڭعىرتۋدىڭ كەڭ اۋقىمدى جۇمىسىنىڭ ناتيجەسى», دەدى «قازاۆتوجول» ۇلتتىق كومپانياسىنىڭ باسقارما توراعاسى دارحان يماناشەۆ.
