«دامۋ» كاسىپكەرلىكتى دامىتۋ قورى الماتى قالاسى بويىنشا وڭىرلىك فيليالىنىڭ ديرەكتورى جاندوس نۇرعازينوۆتىڭ ايتۋىنشا, مەملەكەتتىك قولداۋ قۇرالدارى كاسىپكەرلەردىڭ دامۋىنا, جۇمىس ورىندارىن اشۋىنا جانە نارىقتاعى پوزيتسياسىن نىعايتۋعا سەپ بولادى.
«بۇل وڭىرلىك ەكونوميكانىڭ تۇراقتىلىعىنا جانە ادامداردىڭ ءومىر ءسۇرۋ ساپاسىنا تىكەلەي اسەر ەتەدى», دەيدى ول.
ءبىز توقتاعان العاشقى نىسان ادسك نەمەسە الماتى جول قۇرىلىس كومپانياسى. قازىرگى زامانعى جابدىقتارمەن جوعارى ساپالى تروتۋار پليتكالارىن, قابىرعا بلوكتارىن شىعارادى. كاسىپورىن جىلىنا 1 ملرد تەڭگە سالىق تولەيدى جانە قىزمەتكەرلەردىڭ جوعارى جالاقىسىن (300 مىڭ تەڭگەدەن استام) ماقتان تۇتادى. نارىقتا ءوزىن بولشەك جانە كوتەرمە تاپسىرىستاردىڭ سەنىمدى جەتكىزۋشىسى رەتىندە تانىتتى. كومپانيا بارلىق جەتكىزىلەتىن ونىمدەردىڭ بەلگىلەنگەن مەرزىمدەرگە ءمىنسىز سايكەستىگىنە جانە جوعارى ساپاسىنا كەپىلدىك بەرەدى. كومپانيا بەلگىلەنگەن مەرزىمدەردىڭ ءمىنسىز ساقتالۋىنا جانە جەتكىزىلەتىن بارلىق ونىمدەردىڭ جوعارى ساپاسىنا كەپىلدىك بەرەدى. كاسىپكەرلىكتىڭ دامۋىندا مەملەكەتتىك قولداۋدىڭ ماڭىزى زور.
2020 جىلى «دامۋ» قورى 4,2 ميلليون تەڭگە كەپىلدىگىمەن 25 ميلليون تەڭگە كولەمىندەگى اينالىم قاراجاتى نەسيەسى بويىنشا پايىزدىق مولشەرلەمەنى 6 پايىزعا دەيىن سۋبسيديالادى. بۇگىندە كومپانيا جەرگىلىكتى تۇتىنۋشىلارعا جەكە تاپسىرىس بويىنشا دايىندالعان جوعارى ساپالى ونىمدەردى ۇسىنادى.
سوڭعى جىلدارى «الماتى جول قۇرىلىسى» كاسىپورنى ساتۋ نارىعىن كەڭەيتىپ, كورشىلەس وبلىستارعا ءونىم جەتكىزە باستادى, ءوندىرىس كولەمىن ايتارلىقتاي ۇلعايتتى. جاڭا زاۋىت ۇقساس زاۋىتتاردان ەرەكشەلەنەدى. جابدىقتار يتاليا مەن گەرمانيادان ساتىپ الىندى. ءبىر اۋىسىمدا 4 مىڭنان استام توسەنىش پەن 4 شاقىرىمنان استام جول جيەگى شىعارىلادى. شىعارىلاتىن ءونىمنىڭ ساپاسىنا نازار اۋدارىلدى.
«ادسك» جشس باس ديرەكتورىنىڭ ورىنباسارى اركەن باراتوۆ حابارلاعانداي, جاڭا زاۋىت 2002 جىلدىڭ ءساۋىر ايىندا ىسكە قوسىلدى.
زاۋىتتى جوبالاۋ, جيناۋ جانە پايدالانۋعا بەرۋ ءۇشىن ءىرى ەۋروپالىق كونتسەرن – «Ammann» ونەركاسىپتىك توبى تارتىلدى. زاۋىتتىڭ جوبالىق قۋاتى ساعاتىنا 120 توننا اسفالتتى قۇرايدى. زاۋىت كولىك جانە كوممۋنيكاتسيا مينيسترلىگىنىڭ مەملەكەتتىك تاپسىرىسىنا سايكەس ايىنا 20 مىڭ توننا ءونىم شىعارۋدى جوسپارلاپ وتىر.
باراتوۆتىڭ ايتۋىنشا, جوبانىڭ وتەلىمدىلىگى بەس جىلدى قۇرايدى. الماتىدا بۇعان دەيىن ءبىر عانا اسفالت زاۋىتى جۇمىس ىستەگەن.
قازىر «ادسك» جشس اسفالت زاۋىتىن, ونىڭ ىشىندە سىيىمدىلىعى 1 مىڭ توننا بيتۋم قويماسىن, 700 توننا مينەرالدى ۇنتاق قويماسىن, 3 مىڭ توننا قيىرشىق تاس قويماسىن, مازۋت قويماسىن, ەلەكتر ستانتسياسىن قامتيدى.
باس ديرەكتوردىڭ ورىنباسارى اركەن باراتوۆتىڭ ايتۋىنشا, كومپانيانىڭ تاريحى الماتى وبلىسى, الەكسەەۆكا اۋىلىنداعى كارەردەن قيىرشىق تاس وندىرۋدەن باستالدى. قازىر اسفالت زاۋىتىندا 120 ءتۇرلى جول تاقتايشالارى, بەس-التى ءتۇرلى جول جيەكتەرىنە قولدانىلاتىن قۇرىلىس ماتەريالدارى شىعارىلادى.
سونداي-اق, رەسەيدىڭ «ۋرالماش» زاۋىتىمەن 240 مىڭ دوللارعا كارەردى ازىرلەۋ ءۇشىن ارنايى جابدىقتار جەتكىزۋ تۋرالى كەلىسىمگە قول جەتتى.
قازىر ادسك ءبىراز زاۋىتتاردىن جۇمىسىن ۇيلەستىرىپ وتىرعان كومپانيالار توبىنا اينالىپ كەلەدى. كومپانياعا قاراستى ەكى كارەر, 5 اسفالت زاۋىتى, ءبىر بيتۋم زاۋىتى بار. سوڭعىسى, ازىرگە قازاقستاندا جالعىز. جۇمىس پروتسەسى تولىق اۆتوماتتاندىرىلعان, بيتۋم قوسپاسى ارنايى باعدارلاما بويىنشا دايىندالادى. بيتۋمعا قاجەت قوسپالاردىڭ ءبىرازى رەسەي مەن بەلورۋستان كەلەدى.
«بىزدە بيتۋم ماسەلەسى وتە كۇردەلى, تولىق شەشىم تاپقان جوق. ىشكى نارىقتا كاسپي بيتۋمنان الامىز. بىراق ولار تولىق كولەمدە جەتكىزىپ بەرە الماعاندىقتان, يمپورتقا تاۋەلدىمىز», دەيدى اركەن باراتوۆ.
ونىڭ ايتۋىنشا, ادسك قازىرگى دەڭگەيمەن توقتاپ قالمايدى. بيزنەس جوبامىز تاعى دا بىرەر زاۋىتپەن تولىققالى تۇر.
«الماتى مەن اينالاداعى وبلىستاردىڭ قاجەتتىلىگىن ءوز كۇشىمىزبەن قامتاماسىز ەتسەك دەيمىز. نارىقتىڭ وسى سەگمەنتىندە بىزگە يمپورت باسەكە بولا المايدى. ەندى بيتۋم قۇرامىنا پايدالاناتىن كەيبىر قوسپارلاردى وزىمىزدە شىعارۋدى قولعا الامىز», دەيدى اركەن باراتوۆ.
مۇنداعى جۇمىسشىلاردىڭ بارلىعى ەكى ايلىق وقۋدان وتكەن. ايتا كەتەيىك, تاپسىرىس بەرۋشى ءونىمنىڭ ءتۇس پاليتراسىن ءوزى تاڭداي الادى. ساپا كەپىلدىگى مەرزىمى 5 جىل. جەتكىزۋشىلەردى دە كەزدەيسوق تاڭداعان جوق - نەمىس كومپانياسى قۇرىلىس ماتەريالدارىن ءوندىرۋ بويىنشا الەمدىك كوشباسشى. تولىق اۆتوماتتى RK 1500-3 جەلىسى كەز كەلگەن كولەمدەگى ەكى قاباتتى تاقتايشانى شىعارادى, كولور-ميكستى, ياعني كوپ ءتۇستى تاقتايشانى شىعارا الادى, جيەكتەردى جاساي الادى.
كەلەسى توقتاعان نىسان «Qaz Package» جشس
2023 جىلعى 20 قاڭتاردا تىركەلگەن. بۇل كومپانيا ەت, بالىق, كوكونىس جانە كونديتەرلىك ونىمدەر سياقتى ازىق-ت ۇلىك ونىمدەرىن وراۋعا ارنالعان كوبىكتەنگەن پوليستيرولدان (ۆپس) لوتوكتار وندىرۋگە ماماندانعان, سونداي-اق ءوز ونىمدەرى ءۇشىن پلاستيكالىق قاقپاقتار ۇسىنادى.
كاسىپورىن ءارتۇرلى ۇلگىدەگى ەت سالعىش ىدىس پەن تەز دايىندالاتىن كەسپە تاباقشالارىنىڭ 19 ءتۇرىن شىعارادى. ونىمدەردىڭ العاشقى سىناق پارتياسى 2024 جىلدىڭ قازان ايىندا شىعارىلدى. جوبانىڭ بىرەگەيلىگى: سۇرانىسقا يە قاپتاما ونىمدەرىن جەرگىلىكتى جەردە ءوندىرۋ ارقىلى يمپورتتىڭ ورنىن باسۋ, جاڭا جۇمىس ورىندارىن اشۋ جانە وڭىردە جۇمىسپەن قامتۋدى دامىتۋعا ىقپال ەتۋ, دايىن ونىمدەگى قازاقستاندىق قامتۋ ۇلەسىن ۇلعايتۋ, قازاقستاندىق وندىرۋشىلەر مەن ساۋدا جەلىلەرى ءۇشىن ەت سالاتىن ىدىس پەن باسقا دا قاپتامالاردى قولداناتىن ونىمدەردىڭ قولجەتىمدىلىگىن ارتتىرۋ. «Bank RBK» اق ارقىلى كومپانيا ينۆەستيتسياعا 580,5 ملن تەڭگە قارجى السا, «ۇلتتىق جوبا» باعدارلاماسى اياسىندا 100 ملن تەڭگەنى اينالىم قاراجاتىن تولىقتىرۋ ءۇشىن الدى.
باعدارلاما شارتتارىنا سايكەس 21,75% پايىزدىق مولشەرلەمەنىڭ 13,75%-ىن قور سۋبسيديالايدى قۇرايدى. سونداي-اق كومپانياعا 174,8 ملن تەڭگەگە قور كەپىلدىك تە بەردى.
باس ديرەكتور مۇحتار نۇرجىگىتوۆتىڭ ايتۋىنشا, سىرت كوزگە قاراپايىم زات بولسا دا تاباقشالاردىڭ دايىندالۋ تاريحى ۇلكەن لوگيستيكالىق تىزبەكتەن تۇرادى. بەرىگە دەيىن ءبىر رەت قولدانىلاتىن تاباقشالارعا دەگەن كوزقاراس وڭ بولمادى. ساپاسىنا كۇماندانا قارايتىندار كوپ بولدى. ال قازىر مۇنى قولدانبايتىندار كەم.
باس ديرەكتوردىڭ ايتۋىنشا, مۇنداي ءونىم ءتۇرىنىڭ نانى پوليستيرول. نەعۇرلىم كەڭىنەن قولدانىلاتىن پوليمەرلىك ماتەريالداردىڭ ءبىرى, ودان كوپتەگەن ءتۇرلى بۇيىمدار دايىندالادى. ءبىر رەت پايدالانىلاتىن پلاستيكالىق ىدىستار ءبىزدىڭ نارىقتا جاقىندا عانا پايدا بولعانمەن سۇرانىس ءارتاراپتاندىرىلىپ كەتتى. بۇل تابيعي ماتەريالداردان جاسالعان بيولوگيالىق ىدىس. باس ديرەكتوردىڭ ايتۋىنشا, پوليستيرول قىتايدان, قىزىلدى-جاسىلدى ۇنتاق كۇيىندە جەتكىزىلەدى. ارنايى مامانداندىرىلعان زەرتحانا ونىڭ قۇرامىنىڭ تازالىعىنا باتا بەرگەن سوڭ ارنايى اۆتوماتتاندىرىلعان تسەحتا ءارتۇرلى ۇلگىدەگى ىدىستارعا اينالادى.
مۇحتار نۇرجىگىتوۆ ايتىپ وتكەندەي, نارىقتىڭ وسى سەگمەنتىندە يمپورتتىڭ ۇلەسى باسىم. پوليستيرولدىڭ وتانى رەتىندە تانىلعان قىتاي يمپورتىمەن ساپا جاعىنان باسەكەلەسسە دە باعا جاعىنان تىرەسۋ قيىن بولىپ تۇر.
«نارىق كۇندەلىكتى قولداناتىن تاۋارلاردىڭ مۇمكىندىگىنە ەندى نازار اۋدارىپ جاتىر. بۇرىن ءونىمنىڭ وسى ءتۇرىنىڭ 100 پايىزى يمپورت بولسا, قازىر 40-50 پايىزىن وتاندىق ءونىم وندىرۋشىلەردىڭ ۇلەسىندە. پوليستيرول شيكىزاتىن دايىنداۋ ماسەلەسى مەملەكەتتىك دەڭگەيدە شەشىلسە, ءبىزدىڭ قامتيتىن ايماعىمىزدىڭ شەكاراسى ۇلعايادى» دەيدى مۇحتار نۇرجىگىتوۆ.
