بۇل جاڭالىق جولدىڭ جاعدايىن ۇزدىكسىز باقىلاۋعا مۇمكىندىك بەرەدى. بۇرىن جول ساپاسىن تەكسەرۋ ءۇشىن ۇلكەن اۋماقتى قازىپ, ارنايى تەحنيكانى قولدانۋ قاجەت ەدى. ال جاڭا جۇيە اسفالتتىڭ وزىنەن اقپارات الۋعا نەگىزدەلگەن. «اقىلدى ماتا» زىعىر تالشىعىنان توقىلىپ, ونىڭ اراسىنا وتكىزگىش سەنسور سىمدارى ەنگىزىلگەن. اسفالت توسەلگەن كەزدە ماتا جولدىڭ تومەنگى قاباتىنا سالىنادى. ەگەر جول بۇزىلسا, ماتاداعى سىمداردىڭ كەدەرگىسى وزگەرەدى. بۇل وزگەرىستى سىرتقى باقىلاۋ قۇرىلعىسى تىركەپ, جولدىڭ ناقتى قاي بولىگىندە زاقىم بارىن كورسەتەدى. قازىر تەحنولوگيا گەرمانيا جولدارىندا سىناقتان ءوتىپ جاتىر.
