فوتو: Sputnik / راميل سيتديكوۆ
كوللەدجدى اسپاز ماماندىعى بويىنشا تامامداعان ول ءتۇرلى سالادا ەڭبەك ەتىپ كورگەن. 19 جاسىندا الەۋمەتتىك جەلىدەن كۇنىنە 15 مىڭ تەڭگە تابىس بەرىلەتىن كۋرەر قىزمەتىن ۇسىنعان جارناماعا كەزىككەن. وسى جۇمىستى بايقاپ كورۋگە شەشىم قابىلداعان بويجەتكەن, 4 اي بويى ەسىرتكى تاسىمالداعان.
«باسىندا ءبارى وڭاي ءارى قاۋىپسىز بولىپ كورىندى. اقشا ءتۇسىپ تۇردى, ءبارى باقىلاۋدا سياقتى ەدى. وزىنە سەنىمدى بولدى — ەشكىم بايقامايتىن شىعار», دەپ ويلاعان بويجەتكەننىڭ قىلمىسى 4 ايدان كەيىن اشكەرەلەنگەن.
سوت شەشىمىمەن بويجەتكەن 4 جىل 6 اي مەرزىمگە باس بوستاندىعىنان ايىرىلعان. قازىر سوتتالۋشى جەڭىل اقشا جولىندا بايىبىنا بارماي جاساعان قىلمىسى وزەگىن ورتەيتىنىن ايتتى.
«مەن ءوز ماماندىعىم بويىنشا جۇمىس ىستەپ, ءتىپتى كوفەحانا اشا الار ەدىم. جەڭىل اقشا بولمايدى ەكەن. مۇندا وتكىزەتىن ۋاقىتىم ءۇشىن قاتتى وكىنەمىن. ەڭ قيىنى – تۋىستارىما اۋىر ءارى ۇيات. بۇل – اششى ساباق. الايدا ول ءۇشىن تولەنەتىن باعا تىم جوعارى», دەدى ول.
