جاستار مەڭگەرگەن ستارتاپ

جاساندى ينتەللەكت نەگىزىندە جاسالعان ءتۇرلى ستارتاپ جوبالار «Digital Bridge – 2025» فورۋ­­­مى اياسىندا تانىستىرىلدى.  جيىن بارىسىندا IT الەمدەگى ەڭ ءىرى ستارتاپ-دودالارىنىڭ ءبىرى – Astana Hub Battle ۇيىم­داس­تى­رىل­دى.

جارتىلاي فينالعا باسە­كە­گە قا­بىلەتتى 79 جوبا ءوتتى, ولار­دىڭ ىشىنەن 14 ۇزدىك ستار­تاپ في­نال­­دىق كەزەڭگە ىرىك­تەل­دى. اتاپ ايتساق, eXpace Technology, Hemo.Labs, Yaya, MoonAI, flection.ai, Cyberpack.AI, OpenSpot, Mirai Tech, Oina AI, Aigineer, NeuroGuard AI, MacDent, MindShield جانە WeGlobal AI سىندى ستارتاپتار ۇزدىكتەر قا­تارى­نان كورىندى. سونىمەن قاتار فينالعا AI Sana Generative Pitch باي­قاۋىندا جەڭىسكە جەتكەن Trust­Exam AI دا قوسىلدى.

– اstana Hub Battle ءوزىنىڭ وڭىر­دەگى IT-كاسىپكەرلەر ءۇشىن باس­تى الاڭ ەكەنىن تاعى ءبىر مارتە دالەل­دەدى. بۇگىندە ورتالىق ەۋ­را­­­­زيانىڭ ستارتاپتارى جاسان­دى ينتەللەكت, مەديتسينا, ءبىلىم بەرۋ, قارجى تەحنولوگيالارى جانە باسقا دا سالالاردا باسە­كەگە قابىلەتتى شەشىمدەر ۇسى­نىپ وتىر. مۇنداي باستامالار ءبىلىم ەكو­نوميكاسىن قالىپ­تاس­تى­رىپ, جاڭا جۇمىس ورىندارىن اشىپ, سالانىڭ دامۋى­نا تىڭ سەرپىن بەرەدى. ءبىز ءۇشىن كاسىپ­كەر­لەردى قولداۋ عانا ەمەس, جاستار­دىڭ تەحنولوگياعا دەگەن قىزى­عۋشىلىعىن ارتتىرۋ دا اسا ماڭىزدى. سەبەبى بولاشاققا باس­تايتىن ەڭ ۇلكەن مۇمكىندىكتەر وسى IT مەن AI سالاسىندا جاتىر, –  دەدى Astana Hub باس ديرەكتورى ماعجان ماديەۆ.

Astana Hub Battle 2025 جە­ڭىم­پازدارى جەتى اتالىم بو­يىنشا انىقتالدى.

Best Social Impact اتالىمىندا جاساندى ينتەللەكتىنى مەكتەپ وقۋشىلارىنىڭ كاسىبي باعدارىن انىقتاۋعا جانە پسيحولوگيالىق قولداۋ كورسەتۋگە پايدالانا­تىن WeGlobal.AI جەڭىسكە جەتتى. جۇلدەنى inDrive نەگىزىن قالاۋ­شىسى ءارى باس ديرەكتورى ارسەن تومسكي تابىس ەتتى.

Discovery of the Year اتالىمىندا پاركينسون اۋرۋىن ەرتە كەزەڭدە انىقتاۋعا ارنالعان ءموبيلدى قوسىمشا مەن بىلەزىك جاساپ شىعارعان MindShield ۇزدىك دەپ تانىلدى. ماراپاتتى پرەمەر-ءمينيستردىڭ ورىنباسارى, جاساندى ينتەللەكت جانە تسيفرلىق دامۋ ءمينيسترى جاسۇلان ماديەۆ تاپسىردى.

Exponential Growth اتالى­مىنىڭ جەڭىمپازى – مەم­لە­كەتتىك ورگاندارعا, ۋنيۆەر­سيتەتتەرگە, ەمتيحان ورتالىق­تارىنا اكا­دە­ميا­لىق ادال­دىق­تى ارت­تى­رۋ­عا جانە كو­شىرۋ فاكتىلەرىمەن كۇرە­سۋگە كومەك­تەسەتىن TrustExam AI ستارتابى. جۇلدەنى Telegram نەگىزىن قالاۋشى ءارى باس ديرەكتورى پاۆەل دۋروۆ تابىستادى.

Ticket to the Future (Astana Hub Ventures-تەن SAFE) اتالى­مىن­دا شاعىن جانە ورتا بيزنەس ءۇشىن جاساندى ينتەللەكت نە­گىزىندە جۇمىس ىستەيتىن وپەرا­تسيالىق جۇيە ۇسىناتىن «Moon.AI ستارتابى» جەڭىمپاز اتاندى. جۇلدەنى Astana Hub باس ديرەكتورى ماعجان ماديەۆ تاپسىردى.

MA7 Award (MA7 Ventures اتىنان) اتالىمىندا «Mirai Tech» توپ جاردى. كومپانيا جاساندى ينتەللەكت پەن اۆتونومدى قۋاتتاندىرۋعا نەگىزدەلگەن سپورت پەن رەابيليتاتسياعا ارنالعان توزبايتىن سەنسورلار ازىرلەۋدە. جۇلدەنى MA7 Ventures نەگىزىن قالاۋشىسى مۇرات ابدراحمانوۆ تاپسىردى.

«قازاقتەلەكوم» اق ارنايى گرانت رەتىندە قۇنى 25 000 دول­لارعا تەڭ GPU-رەسۋرستاردى ۇسىن­دى. ونى ستوماتولوگيالىق كلي­ني­كالار مەن مەديتسينا ور­تالىق­تارىنا ارنالعان بۇلتتى ERP/CRM پلاتفورما ۇسىناتىن MacDent جەڭىپ الدى. جۇلدەنى «قا­زاقتەلەكوم» اق باسقارما تور­اعاسى باعدات مۋسين تاپسىردى.

سونىمەن قاتار Yandex Qazaqstan Startup Spotlight Award ارنايى ماراپاتى flection.ai ستارتابىنا بەرىلدى. بۇل جوبا – ينسۋلتتان كەيىنگى وڭالتۋدى جاساندى ينتەللەكتىگە نەگىزدەلگەن ويىندار ارقىلى جەڭىلدەتەتىن ۆەب-پلاتفورما. جۇلدەنى «Yan­dex Cloud» كومپا­نياسىنىڭ قازاق­ستان جانە ورتالىق ازيا­داعى ماركەتينگ بويىنشا ديرەكتورى جانار ماحامبەتوۆا تاپسىردى.

«Digital Bridge – 2025» حالىق­ارالىق فورۋمىنداعى Astana Hub Battle فينالى بارىسىندا وتان­دىق cyberpack.AI ستارتابى كۇت­­پەگەن قولداۋعا يە بولدى. Telegram نەگىزىن قالاۋشى پاۆەل دۋروۆ جو­باعا 25 مىڭ دوللاردى سىيعا تارتتى.

Cyberpack.AI – ءموبيلدى قو­سىمشا, ۆەب-پلاتفورما جانە بالالارعا ارنالعان عىلىم, تەحنولوگيا, ينجەنەريا, ونەر مەن ماتەماتيكا باعىتىنداعى (STEAM-جيناقتار) وقۋ كونس­ترۋكتورلارىن بىرىكتىرگەن وتان­دىق ستارتاپ. جوبا مۇعا­لىمدەرگە ارنالعان ۆەب-پلات­فور­مانى, ادىستەمەلىك باعدار­لا­ما­نى, پەداگوگتەردى دايارلاۋ جۇيە­سىن جانە جارىس­تاردى دا قام­تيدى. مۇنداي ءتاسىل 7–18 جاس ارا­لىعىنداعى وقۋشىلارعا عىلى­مي جوبالار جاساۋعا, وليم­­پيادا­لارعا دايىندالۋعا, ينجە­نەر­لىك ويلاۋىن دامىتۋعا جانە تەحني­كا­لىق جوو-لارعا ءتۇسۋ مەن بولاشاق مان­ساپقا قا­جەت عىلىمي پورت­فو­ليو قالىپ­­تاستىرۋعا ىق­پال ەتەدى.

ءبىر جىل ىشىندە Cyberpack.AI ءوز ءونىمىن قازاقستان مەن ازەربايجانداعى 70 مەكتەپ­كە ەنگىزدى. بۇدان بولەك, حالىق­ارالىق ICRC جارىسىن ىسكە قوستى جانە ەلىمىزدىڭ وڭىرلە­رىندەگى مەملەكەتتىك مەكتەپتەرمەن سەرىكتەستىكتى بەل­سەندى تۇردە كەڭەيتىپ كەلەدى. ستار­تاپ Astana Hub-تىڭ Startup Garage ينكۋباتسيالىق باعدار­لاماسىنان ءوتىپ, جوبانى ەنگىزگەن مەكتەپ سانىن 10 ەسە ارتتىردى, حالىقارالىق نارىققا شىقتى جانە ماسشتابتاۋعا ارنالعان جۇيەلى ۇدەرىستەردى  جولعا قوي­دى.