جاڭا ەرەجەگە سايكەس, سوت ۇكىمى نەمەسە قاۋلىسى كۇشىنە ەنگەننەن كەيىن 5 جۇمىس كۇنى ىشىندە جەرگىلىكتى اكىمدىك:
- سوتتالعان ادامنىڭ تۇرعىلىقتى جەرى بويىنشا قوعامعا پايدالى ەڭبەك ءتۇرىن انىقتايدى;
- قوعامدىق جۇمىستى ۇيىمداستىرۋ تۋرالى وكىم شىعارادى;
- پروباتسيا قىزمەتىنە ۇكىمنىڭ (نەمەسە قاۋلىنىڭ) الىنعانى جانە قوعامدىق جۇمىستى ۇيىمداستىرۋ تۋرالى وكىمنىڭ كوشىرمەسىن جولدايدى.
سونىمەن قاتار اكىمدىك:
- سوتتالعان ادامدى ارنايى كيىممەن (جيلەتپەن) جانە جۇمىسقا قاجەت قۇرال-جابدىقتارمەن قامتاماسىز ەتەدى;
- پروباتسيا قىزمەتىنە اتقارىلعان ۋاقىت تابەلىن, ىستەلگەن جۇمىس اكتىسىن جانە ءتارتىپ تۋرالى مالىمەتتى جىبەرەدى;
- سوتتالعان ادامنىڭ قوعامدىق جۇمىستان جالتارعانى انىقتالعان جاعدايدا, بۇل تۋرالى دەرەۋ حابارلايدى.
قۇجاتتا سوتقا دەيىنگى پروباتسيانىڭ دا قولدانىلۋ ءتارتىبى ناقتى كورسەتىلگەن. ول كۇدىكتىلەر مەن ايىپتالۋشىلارعا ەرىكتى تۇردە ۇسىنىلادى. پروباتسياعا جاتاتىندار:
- كامەلەتكە تولماعاندار;
- مۇگەدەكتىگى بار ازاماتتار;
- ايەلدەر (58 جاستان اسقاندار, جۇكتى ايەلدەر, ءۇش جاسقا دەيىنگى بالاسى بارلار);
- ەرلەر (63 جاستان اسقاندار نەمەسە ءۇش جاسقا دەيىنگى بالانى جالعىز تاربيەلەپ وتىرعاندار).
جاڭارتىلعان قاعيدا 2025 جىلعى 14 قازاننان باستاپ كۇشىنە ەنەدى.
