پيتەر فوستەر Air Astana توبىمەن ىنتىماقتاستىعىن جالعاستىرىپ, ديرەكتورلار كەڭەسىنىڭ اعا كەڭەسشىسى قىزمەتىن اتقارادى.
كومپانيا مالىمەتىنشە, قازىرگى قارجى جونىندەگى اتقارۋشى ديرەكتور يبراحيم جانلىەل وسى كەزەڭدە باس اتقارۋشى ديرەكتور لاۋازىمىنا تاعايىندالادى.
«ديرەكتورلار كەڭەسى پيتەر فوستەرگە كومپانيانى باسقارۋداعى 20 جىلدىق ۇزدىك جەتىستىكتەرى ءۇشىن شىنايى العىس ءبىلدىردى. ونىڭ باسشىلىعىمەن Air Astana قالىپتاسۋ كەزەڭىنەن باستاپ بۇگىنگى كۇنى قازاقستان مەن ورتالىق ازيانىڭ جەتەكشى اۋە كومپانياسىنا, سونداي-اق الەمدىك اۆياتسيا يندۋسترياسىندا برەندكە اينالدى», دەدى Air Astana اق ديرەكتورلار كەڭەسىنىڭ توراعاسى نۇرلان جاقۇپوۆ.
ديرەكتورلار كەڭەسى يبراحيم جانلىەلدىڭ باس اتقارۋشى ديرەكتور قىزمەتىنە تاعايىندالۋىن قۇپتايدى. جانلىەل مىرزا Air Astana توبىنىڭ قۇرامىندا 2003 جىلدان بەرى جۇمىس ىستەيدى: الدىمەن كوممەرتسيالىق باعىتتاردا جەتەكشى قىزمەتتەر اتقارىپ, كەيىن 2017 جىلدان باستاپ قارجى جونىندەگى اتقارۋشى ديرەكتور لاۋازىمىن يەلەندى.
«ونىڭ كومپانيانىڭ دامۋىنا قوسقان ۇلەسى زور, ءارى ول توپتىڭ قىزمەتىندە دە, جالپى اۆياتسيا سالاسىندا دا مول تاجىريبە جيناعان. ديرەكتورلار كەڭەسى يبراحيم جانلىەلدىڭ باسشىلىعىمەن كومپانيا ودان ءارى ءوسىپ, جاڭا جەتىستىكتەرگە جەتەتىنىنە تولىق سەنىم بىلدىرەد», دەدى نۇرلان جاقۇپوۆ.
Air Astana-نىڭ مالىمدەۋىنشە, بۇل شەشىم كومپانيانىڭ ۇزدىكسىز دامۋى مەن باسشىلىقتاعى ساباقتاستىقتى قامتاماسىز ەتۋ ماقساتىندا قابىلدانعان.
