فوتو: egemen.kz/ ەرلان ومار
جىل باسىنان بەرى قاراجات اينالىمى 24 ملرد تەڭگەنى قۇرايتىن 81 قولما-قول اقشا جاسايتىن توپ اشكەرەلەنىپ, قىلمىستىق كىرىستەردى جىلىستاتۋ سحەمالارىنا تارتىلعان 130 كريپتو-بيرجانىڭ قىزمەتى توقتاتىلعان.
كولەڭكەلى وندىرىسكە قارسى كۇرەس اياسىندا تەمەكى جانە الكوگول ونىمدەرىن شىعاراتىن 18 جاسىرىن تسەح جويىلدى.
«بۇدان باسقا, كولەڭكەلى اينالىمنان جالپى قۇنى 12 ملرد تەڭگە بولاتىن ۆەيپتەر شىعارىلدى, بۇل زاڭسىز نارىق اۋقىمىن ايتارلىقتاي قىسقارتۋعا مۇمكىندىك بەردى. 17 ملرد تەڭگەگە مۇناي ونىمدەرىن زاڭسىز اكەتۋ توقتاتىلدى. 62 جاسىرىن كازينو جويىلدى», دەدى قايرات بيجانوۆ.
قما قۇرىلىس سالاسىندا 242 ملرد تەڭگەدەن استام نەگىزسىز شىعىنداردىڭ الدىن العان. بۇل سوما وتكەن جىلمەن سالىستىرعاندا التى ەسەگە كوپ.
«مۇنداي ناتيجەلەرگە قول جەتكىزۋ جوبالىق-سمەتالىق قۇجاتتامالارداعى ماتەريالداردىڭ قۇنىن اسىرا باعالاۋدى انىقتاۋعا ارنالعان «AQIQAT» اقپاراتتىق جۇيەسىنىڭ ەنگىزىلۋىنىڭ ارقاسىندا مۇمكىن بولىپ وتىر», دەدى قارجى مونيتورينگى اگەنتتىگى توراعاسىنىڭ ورىنباسارى.
