فوتو: اشىق دەرەككوز
ءمينيستردىڭ ايتۋىنشا, بۇل باستامانىڭ نەگىزگى بولىگى – مەديتسينالىق دەرەكتەردى ساقتايتىن بىرىڭعاي قويما. ول وسى جىلدىڭ سوڭىنا قاراي ىسكە قوسىلماق. جوبا جۇزەگە اسقاندا, قازاقستاندىقتار جەكە مەديتسينالىق مالىمەتتەرىن ونلاين فورماتتا الا الادى.
قازىردىڭ وزىندە جاساندى ينتەللەكت تەحنولوگيالارى وتاندىق كلينيكالاردا كەڭىنەن قولدانىلىپ جاتىر. جي كت, مرت جانە رەنتگەن ناتيجەلەرىن تالداۋ ارقىلى ينسۋلت, پنەۆمونيا, وكپە اۋرۋلارى مەن ءسۇت بەزى وبىرىن انىقتاۋدا دارىگەرلەرگە كومەك كورسەتىپ وتىر. بىرقاتار ەمحانالاردا تەكسەرۋ قورىتىندىلارىن جىلدام تالداۋعا مۇمكىندىك بەرەتىن جي-كومەكشىلەر جۇمىس ىستەي باستادى.
«جاساندى ينتەللەكت دارىگەردى الماستىرمايتىنىن, كەرىسىنشە ونىڭ مۇمكىندىكتەرىن كۇشەيتەتىنىن, مەديتسينانى بارلىق ازاماتتار ءۇشىن زاماناۋي ءارى قولجەتىمدى ەتەتىنىن اتاپ وتكەن ءجون», دەدى اقمارال ءالنازاروۆا.
سونىمەن قاتار تسيفرلاندىرۋدىڭ العاشقى ناتيجەلەرى ايقىن كورىنە باستاعانى اتاپ ءوتىلدى. اقپاراتتىق جۇيەلەردى بىرىكتىرۋ مەديتسينا قىزمەتكەرلەرىنىڭ جۇمىس جۇكتەمەسىن 40%-عا دەيىن قىسقارتتى. پاتسيەنتتەردى ەلەكتروندى سايكەستەندىرۋدىڭ ارقاسىندا تەك 8 ايدىڭ ىشىندە ارتىق كورسەتىلگەن قىزمەت كولەمى 6,7 ملرد تەڭگەگە ازايدى. ال بىرىڭعاي تولەم جۇيەسى اقاۋلاردى تابۋ دالدىگىن ءتورت ەسەگە ارتتىردى.
