– مەملەكەت باسشىسى قاسىم-جومارت توقاەۆ جاساندى ينتەللەكتىنى دامىتۋعا باسا نازار اۋدارىپ, قازاقستاندى الداعى ءۇش جىل ىشىندە ناعىز تسيفرلىق ەلگە اينالدىرۋ تۋرالى مىندەت قويدى. ءبىزدىڭ ازاماتتارىمىزدىڭ الەۋەتى شەكسىز جانە سەرپىندى جوبالاردى جاساپ شىعارۋعا مۇمكىندىكتەرى جەتكىلىكتى. ءوز كەزەگىندە ءبىز ولارعا ءاردايىم جان-جاقتى قولداۋ كورسەتۋىمىز كەرەك. كوزدەگەن ماقساتقا جەتۋدە بيزنەس, عىلىمي ورتا جانە مەملەكەتتىك قۇرىلىمدار بولسىن, ءاربىر تاراپ ماڭىزدى ءرول اتقارادى, – دەدى پرەمەر-مينيستر.
ەلىمىز «ەلەكتروندىق ۇكىمەتتى» دامىتۋ جونىنەن الەمدە – 24, ال ونلاين قىزمەتتەر كورسەتۋدە 10-ورىندا. ۇكىمەت جاساندى ينتەللەكت جانە IT-ماماندارىنا بارىنشا قولايلى جاعداي جاساۋ ءۇشىن قارقىندى جۇمىس جۇرگىزۋدە. قازىرگى تاڭدا ەكوجۇيەنىڭ ينفراقۇرىلىمى ۇزدىكسىز كەڭىپ كەلەدى. ءبىلىم بەرۋ رەسۋرستارى بارلىق ازاماتتارعا قولجەتىمدى. 20 جوعارى وقۋ ورنىندا جاساندى ينتەللەكت باعدارلامالارى ىسكە قوسىلعان. شامامەن 500 مىڭ ادام جاساندى ينتەللەكت نەگىزدەرى, ونىڭ ىشىندە «AI Qyzmet», «AI Sana», «Tomorrow school», «QazCoders» سياقتى باعدارلامالار نەگىزىندە ءبىلىم الۋدا. سونىڭ ىشىندە Alem.ai-دىڭ اشىلۋى ينفراقۇرىلىمدى نىعايتۋدا ماڭىزدى قادام بولدى. ول – عىلىمي-زەرتتەۋ جۇمىستارىن جۇرگىزۋ, وزىق شەشىمدەردى ەنگىزۋ جانە ستارتاپتاردى دامىتۋ ءۇشىن قۇرىلعان بىرىڭعاي تسيفرلىق كلاستەردىڭ نەگىزگى پلاتفورماسى. Astana Hub-تا – كرەاتيۆتى يندۋستريالاردى دامىتۋداعى ماڭىزدى قۇرالداردىڭ ءبىرى. ۆەنچۋرلىق ينۆەستيتسيالار قورى تۇرىندەگى اكسەلەراتوردىڭ ارقاسىندا ستارتاپتار اۋقىمدى قارجىلاندىرۋعا قول جەتكىزىپ, جاھاندىق نارىققا شىعۋدىڭ دا مۇمكىندىگى ارتىپ كەلەدى. جىل سوڭىنا دەيىن IT-قىزمەتتەر ەكسپورتىنىڭ كولەمىن 1 ملرد دوللارعا جەتكىزۋ ماقساتىندا ستراتەگيالىق جوسپار جۇزەگە اسۋدا. قازاقستان نارىعىنا قازىردىڭ وزىندە «Playrix», «Mytona», «NetCracker» سياقتى الەمدىك تەحنولوگيالىق الپاۋىت كومپانيالار قازىعىن قاقتى. بۇل بيزنەس پەن ينۆەستورلاردىڭ تاراپىنان تۇراقتى سەرىكستەس رەتىندە قازاقستانعا دەگەن سەنىمنىڭ نىعايىپ كەلە جاتقانىن كورسەتەدى.
– جۋىردا قۇرىلعان جاساندى ينتەللەكت جانە تسيفرلىق دامۋ مينيسترلىگىنىڭ باستى مىندەتى – كەلەسى تەحنولوگيالىق سەرپىلىسكە قول جەتكىزۋدى قامتاماسىز ەتۋ. وسى ماقساتتا قۇقىقتىق بازانى جەتىلدىرىپ, جاساندى ينتەللەكت جانە IT-ماماندارىن قولداۋ شارالارى كەڭەيتىلەدى. ۇلتتىق ءبىلىم بەرۋ پلاتفورماسىن ازىرلەۋ جانە جاساندى ينتەللەكت سالاسىنداعى زەرتتەۋ ۋنيۆەرسيتەتىن قۇرۋ جونىندەگى پرەزيدەنت باستامالارى بولاشاق نارىققا بىلىكتى كادرلاردى دايارلاۋعا ايتارلىقتاي سەرپىن بەرەدى, – دەپ اتاپ ءوتتى ولجاس بەكتەنوۆ.
پرەمەر-مينيستر ۇكىمەت قۋاتتى ەكونوميكا قۇرۋ ماقساتىندا ەلىمىز ءۇشىن ماڭىزدى جوبالاردى جۇزەگە اسىرۋدا بىرلەسكەن جۇمىسقا تولىقتاي اشىق ەكەنىن جەتكىزدى. فورۋمنىڭ ناتيجەسىندە 30-دان استام ماڭىزدى مەموراندۋمعا قول قويىلىپ, ءوزارا ىقپالداستىقتىڭ جاڭا باعىتتارىنا جول اشىلدى. ۇكىمەت جانىنان قۇرىلعان تسيفرلىق شتاب مەملەكەتتىك ورگانداردىڭ تولىق تسيفرلىق ترانسفورماتسياسىن جۇزەگە اسىرۋ, بيزنەستەگى تۋىندايتىن ماسەلەلەردى جەدەل شەشۋ جانە نارىقتىڭ بارلىق قاتىسۋشىلارى ءۇشىن ارتىق كەدەرگىلەردى جويۋ باعىتىندا جۇمىس ىستەيدى.
حالىقارالىق فورۋم اياسىندا «Digital Bridge Awards» بايقاۋىنىڭ جەڭىمپازدارىن انىقتاۋ سالتاناتى ءوتتى. و.بەكتەنوۆ ۇزدىك وتاندىق IT-جوبالار مەن تسيفرلىق باستامالاردىڭ جەڭىمپازدارىنا ماراپاتتاردى تاپسىردى. «Digital Bridge Awards» 2025 سىيلىعىنا ۇمىتكەرلەر بىرنەشە اتالىم بويىنشا ىرىكتەلدى. جەڭىمپاز دەپ تانىلعان «Export Excellence» – (Grand Mobile), GTA رۋحىن ءموبيلدى قۇرىلعىعا كوشىرىپ, ءوزىنىڭ اشىق الەمى بار, كوپ رەت پايدالانۋعا بولاتىن رولدىك ويىن جاساپ شىعاردى. وندا پايدالانۋشىلار ءوزارا ارەكەتتەسىپ, مانساپ قۋىپ, ءوز ەكونوميكاسىن قۇرا الادى. ءموبيلدى ويىن الەم بويىنشا 60 ملن رەتتەن استام كوشىرىلگەن. «AI Solution of the Year» – (Higgsfield AI), ءماتىن تۇرىندە سۇراۋ سالۋ بويىنشا بەينە جانە انيماتسيا جاساۋعا ارنالعان جاساندى ينتەللەكتىگە نەگىزدەلگەن پلاتفورمانىڭ نەگىزىن قالادى. Google Next نۇسقاسىمەن الەمنىڭ ۇزدىك 25 ستارتابىنىڭ قاتارىنا ەندى. «EdTech of the Year» – (CodiPlay), باعدارلامالاۋ جانە ينجەنەرلىك ويلاۋعا وقىتاتىن مەكتەپتەر ءۇشىن ءبىلىم بەرۋ ەكوجۇيەسىن قۇردى. ستارتاپ 13 ەلدەگى ميلليوننان استام وقۋشىنى قامتيدى. GovTech Innovation – (Documentolog Global Limited), مەملەكەتتىك باسقارۋ پروتسەستەرىن اۆتوماتتاندىرۋ ءۇشىن تسيفرلىق شەشىمدەر ازىرلەپ شىعاردى, وندا ەلەكتروندى تۇردەگى نورماتيۆتەر شىعارۋ جانە ينتەللەكتۋالدى ىزدەۋ جۇيەلەرى بار. «Tech Media Excellence» – (digitalbusiness.kz), تەحنولوگيالار مەن ستارتاپتار تۋرالى ەلدەگى ءىرى مەديانىڭ نەگىزىن قالادى. ونى اي سايىن 200 مىڭنان استام بىرەگەي پايدالانۋشى وقيدى. «Social Impact Project» – (7Generation / KazDream IT Holding), ازاماتتاردىڭ قاۋىپسىزدىگىن قامتاماسىز ەتۋدە جەدەل ارەكەت ەتەتىن شۇعىل قىزمەتتەرگە قوڭىراۋ شالۋ كەزىندە ابونەنتتەردىڭ ورنالاسقان جەرىن انىقتاۋعا ارنالعان LifeSignal سەرۆيسىن قۇردى.
پرەمەر-مينيستر تسيفرلىق شەشىمدەر كورمەسىنىڭ ەكسپوزيتسياسىمەن تانىستى. وتاندىق IT-كومپانيالار مەن ستارتاپ يەلەرى ءوز ازىرلەمەلەرىن ۇسىندى.
ولاردىڭ ىشىندە IT-كومپانيالار: Shai PRO – ينتەللەكتۋالدى ونىمدەر مەن جي نەگىزىندەگى شەشىمدەردىڭ ەكوجۇيەسى; «Best Vision Technologies» – ونەركاسىپتىك تاۋەكەلدەردى انىقتاۋعا جانە وندىرىستىك پروتسەستەردى قاشىقتان باسقارۋعا ارنالعان جي پلاتفورماسى; Axellero – كۇندەلىكتى مىندەتتەردى اۆتوماتتاندىراتىن جانە بيزنەستىڭ تيىمدىلىگىن ارتتىراتىن جي اگەنتتەرىن قۇرۋعا ارنالعان پلاتفورما; Qalan – مەكتەپتەر مەن EdTech جوبالارىنا ارنالعان ونلاين ءبىلىم بەرۋ پلاتفورماسى; Rەcado – مۇناي-گاز سالاسىنا ارنالعان جي نەگىزىندەگى شەشىمدەر جانە Jet – كولىك پەن تەحنيكانى قىسقامەرزىمدى جالعا الۋعا ارنالعان شەرينگ-سۋپەراپپ.
بۇدان بولەك «Paidax» – بولشەك ينۆەستورلارعا ارنالعان ينۆەستيتسيالىق پلاتفورما; PocketDot – كورۋ قابىلەتى بۇزىلعان ادامدار ءۇشىن ءبرايلدىڭ العاشقى ماگنيتتىك ينتەرفەيسى; «Defect AI» – وندىرىستىك اقاۋلاردى اۆتوماتتى تۇردە انىقتاۋعا ارنالعان جي جۇيەسى; Protector AI – مەكتەپتەردە, بالاباقشالاردا جانە الەۋمەتتىك مەكەمەلەردە زورلىق-زومبىلىقتى, قورقىتۋدى جانە قاقتىعىستاردى اۆتوماتتى تۇردە انىقتاۋعا ارنالعان بەينە تالداۋ جۇيەسى; «Esep AI» – ەنەرگيا تۇتىنۋدى تالداۋ جۇيەسى; «Trust Exam» – ونلاين ەمتيحانداردى اۆتوماتتاندىرۋ جانە مونيتورينگ جاساۋ جي-پلاتفورماسى; «Biometric Vision» – بيومەتريالىق سايكەستەندىرۋ جانە KYC-سەرۆيس (اعىلشىنشا Know Your Customer – ء«وز كليەنتىڭدى ءبىل») تەحنولوگيالارى; Mirai Tech – سەنسورلىق تەحنولوگيالارعا, بيومەحانيكاعا جانە دەرەكتەرگە نەگىزدەلگەن ينتەللەكتۋالدى مونيتورينگ جانە تالداۋ جۇيەلەرى سىندى ستارتاپ-كومپانيالار دا ءوز مۇمكىندىكتەرىن كورسەتتى.
الەمنىڭ 30-دان استام ەلىنەن كەلگەن ينۆەستورلار, ساراپشىلار, ستارتاپتار مەن IT-كومپانيالاردىڭ وكىلدەرى كەلگەن حالىقارالىق فورۋم 30 مىڭنان استام قاتىسۋشىنى بىرىكتىردى.
