بىراق كەيبىر ەرەكشەلىكتەر بار. ەگەر ءىس سوتقا جەتسە, سوت ورىنداۋشىسى ۇيگە بۇعات قويۋى مۇمكىن. بۇل «ۇيدەن شىعارىپ جىبەرەدى» دەگەن ءسوز ەمەس. تەك ءۇيدى ساتۋ, سىيعا تارتۋ نەمەسە باسقا ادامنىڭ اتىنا راسىمدەۋ ۋاقىتشا شەكتەلەدى. ياعني ءسىز ۇيدە تۇرا بەرەسىز, كوممۋنالدىق قىزمەتتەردى تولەيسىز, بىراق مەنشىك قۇقىعىڭىزدى ەركىن پايدالانا المايسىز. وسى تۇستا وتە ماڭىزدى ءبىر جايت بار. بايقاۋىمشا, ازاماتتارعا ءوزىن پوليتسيا قىزمەتكەرىمىن دەپ تانىستىراتىن الاياقتار كوپ حابارلاسادى. ولار «نەسيەڭىزدى تولەمەدىڭىز, ەندى ءۇيىڭىزدى تارتىپ الامىز», «قىلمىستىق ءىس قوزعالدى» دەگەن سياقتى جالعان اقپارات ايتىپ, قورقىتىپ, اقشا الۋعا تىرىسادى. مۇنداي ارەكەتتەردىڭ بارلىعى زاڭسىز. كوبىنە «مەملەكەتتىك م ۇلىكتى يەمدەنۋ» دەگەن باپپەن قورقىتىپ جاتادى. بۇعان سەنبەڭىزدەر.
شىن مانىندە, سوت شەشىمى شىقسا, ونى تەك سوت ورىنداۋشىسى رەسمي تۇردە جەتكىزەدى. ال مەسسەندجەر نەمەسە تەلەفون ارقىلى كەلگەن حابارلامالاردىڭ ەشقانداي زاڭدى كۇشى جوق. ءوزىن تەرگەۋشى دەپ تانىستىرعاندارعا دا سەنبەۋ كەرەك. ەگەر سونداي حابارلامالار كەلسە, بىردەن پوليتسياعا بارىپ ارىز جازعان ءجون. سەبەبى مۇنداي ادامدار جەكە دەرەكتەرىڭىزدى زاڭسىز العان بولۋى مۇمكىن. بۇل دا قىلمىسقا جاتادى. نەگىزسىز قورقىتىپ, پسيحولوگيالىق قىسىم جاساپ وتىر.
قازىر كوللەكتورلاردىڭ زاڭسىز ارەكەتىنەن كوپ ادام سارى ۋايىمعا ءتۇسىپ ءجۇر. جاقىندا ءبىر اجەي كەلىپ, تەلەفونعا كەلگەن حابارلامالاردى كورسەتتى. وندا ء«سىزدىڭ ۇيىڭىزگە بارامىز, سوتتىڭ شەشىمى بار, 7 ميلليون تەڭگە قارىزىڭىز تولەنبەگەن, م ۇلىكتى تاركىلەۋ اكتىسىن دايىنداڭىز» دەپ جازىلعان. سونىمەن قاتار «127 اەك كولەمىندە ايىپپۇل سالىندى» دەگەن جالعان سىلتەمەلەر بەرىلگەن. مۇنداي حابارلامالاردىڭ ءبارى وتىرىك.
ەستە ساقتايىق, م ۇلىكتى تاركىلەۋ تەك قىلمىستىق ىستەر كەزىندە عانا بولادى. ال كرەديت تولەمەگەن جاعدايدا ەڭ الدىمەن سوت شەشىمى شىعۋى كەرەك. ودان كەيىن رەسمي سوت ورىنداۋشى حابارلاسادى.
