«مايگۇل يبراگيمقىزى – قازاقتىڭ ءداستۇرلى ءان ونەرىن وركەندەتۋگە ۇلەس قوسقان قايتالانباس داۋىس يەسى, ۇلت ماقتانىشى ەدى. ول حالىقتىق جانە كاسىبي كومپوزيتورلاردىڭ تاڭداۋلى تۋىندىلارىن اسقان شەبەرلىكپەن ورىنداپ, ۇلتتىق مادەنيەتىمىزدىڭ باي قازىناسىن الەمگە تانىتتى.
ونەر جولىن ايگىلى نۇرعيسا تىلەنديەۆتىڭ جەتەكشىلىگىندەگى «وتىرار سازى» فولكلورلىق-ەتنوگرافيالىق وركەسترىندە باستاعان مايگۇل يبراگيمقىزى ءومىر بويى قازاق ونەرىنىڭ ابىرويىن اسقاقتاتۋعا ادال قىزمەت ەتتى.
ونىڭ ورىنداۋىنداعى شىعارمالار ەل جۇرەگىنەن ورىن الىپ, قازاق مۋزىكا مادەنيەتىنىڭ التىن قورىنا قوسىلدى.
ءومىرىن ۇلتتىق مادەنيەت پەن رۋحانياتقا ارناعان ابزال جاننىڭ ادامدىق بولمىسى, ونەرگە دەگەن شەكسىز سۇيىسپەنشىلىگى مەن ىزگىلىگى كەيىنگى بۋىن جاستارعا وشپەس ونەگە بولىپ قالا بەرمەك.
مايگۇل يبراگيمقىزىنىڭ جارقىن بەينەسى, شىعارماشىلىق مۇراسى ۇلت جادىندا ماڭگى ساقتالادى دەپ سەنەمىز», دەلىنگەن حابارلامادا.
مايرا قازتۇرعانوۆا نۇرعيسا تىلەنديەۆ پەن تۇمانباي مولداعاليەۆتىڭ اۆتورلىعىمەن جازىلعان «قايران مەنىڭ, جۇرەگىم» انىمەن حالىققا كەڭ تانىلعان ەدى. ول ءاننىڭ العاشقى ورىنداۋشىسى.
