وبلىستىق دەنساۋلىق ساقتتاۋ باسقارماسىنىڭ باسشىسى سەرجان نازاربەكتىڭ ايتۋىنشا, ەلدىمەكەندەرگە اسا تاپشى مەديتسينالىق ماماندىقتار بويىنشا جۇمىس ىستەۋگە كەلگەن دارىگەرلەرگە 8,5 ميلليون تەڭگە كولەمىندە بىرجولعى الەۋمەتتىك قولداۋ تولەنەدى.
قولداۋ جامبىل وبلىسى اكىمدىگىنىڭ 2025 جىلعى 15 قىركۇيەكتەگى №192 قاۋلىسىمەن بەكىتىلگەن اسا تاپشى مەديتسينالىق ماماندىقتار تىزبەسىنە سايكەس جۇزەگە اسىرىلادى.
«قاۋلى قازاقستان رەسپۋبليكاسىنىڭ «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭىنا نەگىزدەلگەن. الەۋمەتتىك قولداۋ كەمىندە بەس جىل مەرزىمگە اۋىلدىق جەرگە جۇمىس ىستەۋگە كەلگەن مەديتسينا قىزمەتكەرلەرىنە بەرىلەدى. قولداۋدىڭ باستى ماقساتى – اۋىلدىق جەرلەردەگى مەديتسينالىق قىزمەتتىڭ ساپاسىن ارتتىرۋ جانە بىلىكتى ماماندارمەن قامتاماسىز ەتۋ. بۇل باستاما - اۋىل حالقىنىڭ ءومىر ءسۇرۋ ساپاسىن جاقسارتۋعا باعىتتالعان ماڭىزدى قادام», دەيدى ول.
جامبىل وبلىسى
