تەرگەۋ مالىمەتىنشە 32 جاستاعى جەدەل ۋاكىلدى ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى ۇستاعان. ءتىنتۋ كەزىندە ونىڭ قالتاسىنان جانە كولىگىنەن سالماعى ءبىر كيلوگرامنان اساتىن ۇنتاق ءتارىزدى زات تابىلعان.
«قازىر سوتقا دەيىنگى تەرگەۋ ءجۇرىپ جاتىر», — دەگەن ۆەدومستۆونىڭ ءباسپاسوز قىزمەتى باسقا مالىمەت بەرۋدەن باس تارتتى.
اتىراۋ وبلىستىق پوليتسيا دەپارتامەنتى دە اقپارات بەرۋگە قىلمىستىق-پروتسەستىك كودەكستىڭ 201-بابىمەن شەكتەۋ قويىلاتىنىن, مالىمەت تەك پروكۋراتۋرانىڭ كەلىسىمىمەن جاريا ەتىلەتىنىن اتاپ ءوتتى.
«سوتقا دەيىنگى تەرگەۋ دەرەكتەرى جاريالانبايدى. ولاردى پروكۋروردىڭ رۇقساتىمەن عانا, تەرگەۋ مۇددەسىنە قايشى كەلمەيتىن كولەمدە جاريالاۋعا بولادى», — دەلىنگەن رەسمي جاۋاپتا.
