ونىڭ ايتۋىنشا, بۇعان سەبەپ – ەلدەگى قارجىلىق جاعدايدىڭ تۇراقسىزدىعى.
«ەگەر مەملەكەتتىك قارجىنىڭ جاعدايى ءسال تۇراقتىراق بولعاندا, بالكىم, ونسىز دا ىستەۋگە بولاتىن ەدى. بىراق پوستكوۆيد كەزەڭ كەلدى, ءبىز الەۋمەتتىك سالاعا ايتارلىقتاي قاراجات قۇيۋعا ءماجبۇر بولدىق. سونىڭ ىشىندە پاندەميانىڭ سالدارىن جويۋ ءۇشىن دە. 2022–2023 جىلدارى ەكونوميكاعا ەداۋىر قارجى قۇيىلدى, شىعىس بولىگى ۇلعايتىلدى», دەدى جۇمانعارين.
ۇكىمەتكە بيۋدجەت تاپشىلىعىن ازايتۋ ماقساتىندا شىعىنداردى قىسقارتۋ تاپسىرىلعان. ءمينيستردىڭ ايتۋىنشا, باستى مىندەت – بيۋدجەت تاپشىلىعىن تومەندەتۋ, ال بولاشاقتا – مەملەكەتتىڭ قارىزعا تاۋەلدىلىگىن ازايتۋ بولعان.
ء«بىز مۇنى ورىنداي المايتىنىمىزدى انىقتادىق. شىعىنداردىڭ 98 پايىزى قىسقارتۋعا جاتپايدى. نەگە؟ سەبەبى سوڭعى بەس جىل بويى قاراجات الەۋمەتتىك سالاعا – جالاقىعا, زەينەتاقىعا, الەۋمەتتىك تولەمدەرگە باعىتتالىپ كەلدى. ءدال وسى سەبەپتەن سالىق رەفورماسى باستالدى. ويتكەنى شىعىس بولىگىن قىسقارتۋ مۇمكىن بولماعاندىقتان, كىرىس بولىگىن ارتتىرۋ قاجەت», دەپ تۇيىندەدى مينيستر.
