فوتو: اشىق دەرەككوز
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 1 قىركۇيەكتەگى جاعداي بويىنشا, مۇگەدەكتىگى ءۇشىن مەملەكەتتىك الەۋمەتتىك جاردەماقى الۋشىلار سانى 543,7 مىڭ ادامعا جەتكەن. ال اسىراۋشىسىنان ايىرىلعاندارعا تولەنەتىن جاردەماقىنى 184,1 مىڭعا جۋىق ادام الىپ وتىر.
سونىمەن قاتار, مىندەتتى الەۋمەتتىك ساقتاندىرۋ جۇيەسىنە قاتىسۋشىلار دا قوردان قولداۋ الىپ وتىر. 2025 جىلدىڭ قىركۇيەگىنە دەيىن 97 مىڭ ادام ەڭبەككە جارامسىزدىققا بايلانىستى تولەم السا, 65,9 مىڭ وتباسى اسىراۋشىسىنان ايىرىلعانى ءۇشىن الەۋمەتتىك تولەمدەرمەن قامتىلعان.
ەستەرىڭىزگە سالا كەتەيىك, مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەن كۇنكورىس دەڭگەيىنىڭ شاماسىنا بايلانىستى بولادى. ال اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى قايتىس بولعان اسىراۋشىنىڭ اسىراۋىنداعى ادامداردىڭ سانىنا, قايتىس بولۋ سەبەپتەرىنە جانە ەڭ تومەن كۇنكورىس دەڭگەيىنە بايلانىستى.
