ءىس-شارانىڭ نەگىزگى ماقساتى – تاريحي تۇلعالار مەن قازاق حالقىنىڭ تاعدىرىنا قاتىستى قۇندى قۇجاتتاردى ۇرپاق جادىندا جاڭعىرتۋ, سونداي-اق ەلىمىزدىڭ تاريحى مەن مادەنيەتىن تەرەڭىرەك تانۋعا ىنتالاندىرۋ ارقىلى جاستاردىڭ پاتريوتتىق سەزىمىن ارتتىرۋ بولدى.
اشىق ەسىك كۇنى اياسىندا حح عاسىرداعى ساياسي قۋعىن-سۇرگىن كەزەڭى, 1920-30 جىلدارداعى اشارشىلىق وقيعالارى جانە قازاقستان تاۋەلسىزدىگىنىڭ قالىپتاسۋىنا قاتىستى تاريحي قۇجاتتار كورمەسى ۇسىنىلدى. ەكسپوزيتسيادا پروفەسسور, مەديتسينا عىلىمدارىنىڭ دوكتورى نۇرلان باتپەنوۆتىڭ جەكە قورىنداعى ماتەريالدار, سونداي-اق بەلگىلى عالىم, ەتنوگراف, پروفەسسور الكەي مارعۇلاننىڭ قۇندى قولجازبالارى قويىلدى.
سونىمەن قاتار زاماناۋي سكانەر تەحنولوگياسى ارقىلى ارحيۆ قۇجاتتارىن تسيفرلاۋ بارىسى كورسەتىلدى. قاتىسۋشىلار ءۇشىن ادەبي ۆيكتورينالار مەن ينتەللەكتۋالدى ويىندار ۇيىمداستىرىلدى.
شاراعا ارحيۆ, قۇجاتتاما جانە كىتاپ ءىسى كوميتەتىنىڭ باسشىلىعى, قوعام جانە مەملەكەت قايراتكەرلەرى, زيالى قاۋىم وكىلدەرى, باق جۋرناليستەرى, سونداي-اق ەلوردالىق مەكتەپ وقۋشىلارى مەن ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن استانا حالىقارالىق ۋنيۆەرسيتەتىنىڭ ستۋدەنتتەرى قاتىستى.
