جوباعا جەتەكشىلىك ەتكەن اتىراۋ وبلىستىق تاريحي-ولكەتانۋ مۋزەيىنىڭ ديرەكتورى مۇحامبەتقالي كيپيەۆتىڭ ايتۋىنشا, فوتوالبومدا مۋزەي قورىندا جيناقتالعان قۇجاتتار بار. كەيبىر فوتوقۇجاتتار رەسەي عىلىم اكادەمياسى ءارحيۆىنىڭ سانكت-پەتەربۋرگتەگى فيليالىنان, رەسەي مەملەكەتتىك كينوفوتوقۇجاتتار ءارحيۆىنىڭ قورىنان الىنعان.
فوتوالبوم مازمۇنى «ەلدى مەكەندەر», «ماتەريالدىق مادەنيەت», ء«وندىرىس», «شارۋاشىلىق پەن كاسىپشىلىك» تاقىرىپتارىنا بولىنگەن. ماسەلەن, ءبىرىنشى بولىمدە بۇرىنعى گۋرەۆ قالاسىنىڭ, پلوتوۆينسك كەمە تۇراعى, كۋلاگين, جيلايا كوسا ەلدى مەكەندەردىڭ, دۇيسەكە مەشىتى مەن كوشپەلى اۋىلداردىڭ رەۆوليۋتسياعا دەيىنگى سۋرەتتەرى جيناقتالعان.
«فوتوالبومدا مۋزەي قورىنان XIX عاسىردىڭ سوڭى مەن XX عاسىردىڭ 40-جىلدارىنا دەيىنگى سۋرەتتەر قامتىلدى. ونىڭ كوپشىلىگى العاش رەت جاريالانىپ وتىر. مۇنىڭ ءبارى – اتىراۋ وبلىسىنىڭ تاريحى مەن مادەنيەتىن ايشىقتايتىن تاريحي جادىگەر», دەيدى م.كيپيەۆ.
اتىراۋ وبلىسى
