قازىرگى كەزدە دەپارتامەنت عيماراتتارىندا جوندەۋ جۇمىستارى ءجۇرىپ جاتىر. بۇگىندە قالالىق پوليتسيا جەرگىلىكتى بيۋدجەت ەسەبىنەن تەحنيكامەن, قاۋىپسىزدىكتى ارتتىرۋعا جانە پوليتسيا جۇمىسىنىڭ تيىمدىلىگىن كوتەرۋگە باعىتتالعان زاماناۋي اۆتوكولىكتەر مەن ارنايى قۇرالدارمەن قامتاماسىز ەتىلىپ وتىر.
قالا باسشىسى پوليتسيا دەپارتامەنتىنىڭ جەدەل باسقارۋ ورتالىعىندا بولىپ, بەينەباقىلاۋ جۇيەسىنىڭ جۇمىسىمەن جانە قوعامدىق ءتارتىپتى قامتاماسىز ەتۋدە تسيفرلىق تەحنولوگيالاردى ەنگىزۋ بارىسىمەن تانىستى. الماتىداعى جبو 2000 جىلدىڭ جەلتوقسانىندا اشىلعان بولاتىن. بۇگىندە مۇندا تاۋلىك بويى 28 قىزمەتكەر جۇمىس ىستەيدى. جۇيەگە 53 مىڭ كامەرا قوسىلعان, ولاردىڭ ىشىندە بەت-الپەتتى تانۋ فۋنكتسياسى بار قۇرىلعىلار دا بار.
كەلىسىم بويىنشا مۇنداي تەحنولوگيالار ويىن-ساۋىق ورىندارىندا, ياعني بارلار مەن مەيرامحانالاردا دا ورناتىلادى. ولار قۇقىق بۇزۋشىلىقتىڭ الدىن الۋعا جانە ىزدەۋدە جۇرگەن ازاماتتاردى انىقتاۋعا قولدانىلادى. جىل سوڭىنا دەيىن Target پلاتفورماسىنا تاعى 8 مىڭ كامەرانى قوسۋ جوسپارلانعان. دارحان ساتىبالدى قالا تۇرعىندارىنىڭ قاۋىپسىزدىگى باستى باسىمدىق ەكەنىن اتاپ ءوتىپ, پوليتسيانىڭ ماتەريالدىق-تەحنيكالىق بازاسىن نىعايتۋدىڭ جانە حالىقتىڭ قۇقىق قورعاۋ ورگاندارىنا دەگەن سەنىمىن ارتتىرۋدىڭ ماڭىزدىلىعىن اتاپ ءوتتى.
الماتى
