كۇدىكتىگە قىلمىستىق كودەكستىڭ 190-بابىنىڭ 1 بولىگىمەن, 120-بابىنىڭ 2-بولىگىنىڭ 2-تارماعىمەن, 99-بابىنىڭ 2-بولىگىنىڭ 4,5,10 تارماقتارىمەن, 188-بابىنىڭ 4-بولىگىنىڭ 3-تارماعىمەن, 200-بابىنىڭ 1-بولىگىمەن (الاياقتىق, زورلاۋ جانە جۇكتى ايەلدى باسقا قىلمىستاردى جاسىرۋ ماقساتىندا اسا قاتىگەزدىكپەن ولتىرگەنى, سونداي-اق ۇرلىق جاساعانى جانە اۆتوكولىكتى زاڭسىز يەمدەنۋ) ايىپ تاعىلعان.
«جابىرلەنۋشى 2022 جىلى اتىراۋ قالاسىنان پاتەر ساتىپ الىپ, سانتەحنيك مامانىمەن تانىسقان. كۇدىكتى جوندەۋدى تالقىلاپ, سەنىمگە كىرە وتىرىپ, جابىرلەنۋشىنىڭ تۇراق ورنىن ساتىپ الۋ جوسپارى تۋرالى بىلگەن. سانتەحنيك مامانىندا الاياقتىق قىلمىستىق قۇقىق بۇزۋشىلىق پيعىلى پايدا بولعان. جابىرلەنۋشىنى ۇيىم قىزمەتكەرلەرى ارقىلى تۇراق ورنىن جەڭىلدىكپەن ساتىپ الۋعا كومەكتەسەتىنىنە سەندىرىپ, ودان 400 مىڭ تەڭگە الدىن-الا تولەم الىپ, وزىنە يەمدەنگەن. كەيىن سانتەحنيككە كەلىسىم تۋرالى بىرنەشە رەت ەسكەرتكەن. ءبىر جىلدان كەيىن جابىرلەنۋشى تاعى دا سانتەحنيك مامانىنا قوڭىراۋ شالىپ, تۇراق ورنى تۋرالى سۇراپ, ماسەلە شەشىلمەگەن جاعدايدا شاعىم تۇسىرەتىنىن ايتقان. ءوزىنىڭ جۇكتىلىگى جانە ودان ءارى كۇتۋدىڭ مۇمكىن ەمەستىگى تۋرالى حابارلاعان. وسىدان كەيىن سانتەحنيك ارىزدى راسىمدەۋ سىلتاۋىمەن وعان ماس كۇيىندە كەلگەن. الاياقتىقتى جاسىرۋ ءۇشىن ماسكا كيىپ, جابىرلەنۋشىنى زورلاپ, اسا قاتىگەزدىكپەن ولتىرگەن», دەپ حابارلادى اتالعان سوتتان.
كۇدىكتى بۇدان سوڭ پاتەردى ءتىنتىپ, سەيفتى اشىپ, قوماقتى اقشا مەن زەرگەرلىك بۇيىمداردى ۇرلاپ, كولىك پەن ۇيالى تەلەفوندى يەمدەنگەن. جالپى ماتەريالدىق شىعىن 13 ملن تەڭگەدەن اسقان.
پروكۋرور مەن جابىرلەنۋشى تاراپ سوتتالۋشىنى كىنالى دەپ تانىپ, وعان ءومىر بويىنا باس بوستاندىعىنان ايىرۋ جازاىن تاعايىنداۋدى سۇرادى. ال قورعاۋشى تاراپ كۇدىكتىنى قىلمىستىق كودەكستىڭ 190, 120, 200, 188-باپتارى بويىنشا اقتاۋدى, جەڭىل جازا تاعايىنداۋدى ۇسىندى.
«سوتتالۋشىنىڭ كىناسى كۋالاردىڭ, جابىرلەنۋشىلەردىڭ ايعاقتارىمەن, ساراپتاما قورىتىندىلارىمەن, بەينەجازبالارمەن, وقيعا ورنىن قاراۋ حاتتامالارىمەن جانە زاتتاي دالەلدەمەلەرمەن راستالدى. سوت سوتتالۋشىعا جازا تاعايىنداۋ بارىسىندا جەڭىلدەتەتىن ءمان-جايلاردى انىقتامادى. قىلمىستىڭ ماس كۇيىندە جاسالعانى اۋىرلاتاتىن ءمان-جاي رەتىندە تانىلدى. سوتتالۋشى ايىپتاۋدىڭ بارلىق ەپيزودى بويىنشا كىنالى دەپ تانىلدى. وعان ءومىر بويىنا باس بوستاندىعىنان ايىرۋ جازاسىنا تاعايىندالدى. جابىرلەنۋشىنىڭ پايداسىنا ماتەريالدىق جانە مورالدىق زالال ءوندىرىلدى», دەپ ءمالىم ەتتى سوتتان.
سوت ۇكىمى زاڭدى كۇشىنە ەنگەن جوق.
