دەنساۋلىق ساقتاۋ باسقارماسىنىڭ مالىمەتىنشە, ارنايى جابدىقتالعان كولىكتەردە جالپى دارىگەرلىك, كارديولوگ, وفتالمولوگ, ستوماتولوگ, حيرۋرگ, اكۋشەر-گينەكولوگ, رەنتگەنولوگ, زەرتحانالىق دياگنوستيكا كابينەتتەرى بار. سونداي-اق فليۋوروگرافيا, ۋزي, ەلەكتروكارديوگرافيا جانە ءدارىحانا پۋنكتى دە قاراستىرىلعان.
كوكسۋ اۋدانىندا كاماز بازاسىنداعى جىلجىمالى كەشەن جۇمىس ىستەيدى. ونىڭ جەتەكشىسى گۇلجان قوراباەۆانىڭ ايتۋىنشا, وتكەن جىلى مۇندا 14 مىڭنان استام تۇرعىنعا مەديتسينالىق كومەك كورسەتىلسە, بيىلعى سەگىز ايدا 5,5 مىڭنان اسا ادام تەكسەرۋدەن وتكەن.
جمك-نىڭ ارتىقشىلىعى – الىس اۋىل تۇرعىندارى اۋدان ورتالىعىنا بارماي-اق, ءتۇرلى مامانداردىڭ قابىلداۋىنا كىرە الادى. مۇقىرى اۋىلىنىڭ تۇرعىنى ءجۇمادىل جولدىباەۆتىڭ ايتۋىنشا, بۇل اسىرەسە ەگدە جاستاعى ادامدار ءۇشىن ىڭعايلى. ال اۋىل تۇرعىنى ديليارا يۋسۋپوۆا بارلىق مامانداردىڭ ءبىر جەردە جۇمىس ىستەۋىن ەرەكشە اتاپ ءوتتى.
سونىمەن قاتار, اۋىلدىق امبۋلاتوريالار دا جاڭا ماماندارمەن تولىقتى. ماسەلەن, مۇقىرى اۋىلىنا جاس دارىگەر سالتانات تەمىراليەۆا «ديپلوممەن – اۋىلعا» باعدارلاماسى اياسىندا كەلىپ, مەملەكەتتەن 10 ميلليون تەڭگە كولەمىندە كوتەرمە اقى العان.
قازىرگى تاڭدا وبلىس اۋماعىندا 8 جىلجىمالى مەديتسينالىق كەشەن قىزمەت كورسەتۋدە. ونىڭ 3-ەۋى كاماز, 5-ەۋى اۆتوبۋس بازاسىندا ورنالاسقان.
