فوتو: ۆيكتور فەديۋنين/ Kazinform
تسزين بو بۇگىنگى قازاقستان – تاريحي ساۋدا جولدارىنىڭ تورابى عانا ەمەس, «دومبىرا مەن گيتارا, ارفا» ءۇنىن ۇندەستىرىپ, مادەني بىرلىكتىڭ سيمۆولدىق سيمفونياسىن جاسايتىن كەڭىستىك ەكەنىن ايتتى. ول ء«بىر بەلدەۋ, ءبىر جول» باستاماسىنا ەرەكشە نازار اۋدارىپ, جوبانىڭ قازاقستاننىڭ مادەني جانە رۋحاني الماسۋ پلاتفورماسى رەتىندەگى ءرولىن كۇشەيتكەنىن اتاپ ءوتتى.
«بۇل وقيعالار وركەنيەتتەردىڭ ءوزارا بايىتىلۋى تاريحىندا جاڭا پاراق اشىپ, ءوزارا قۇرمەت پەن اشىقتىق رۋحىن كورسەتتى. بۇل فورۋم تاقىرىبىنا تولىق ساي كەلەدى», دەدى ول.
ءوز سوزىندە تسزين بو ءتۇرلى دىندەردىڭ رۋحاني داستۇرلەرى اراسىندا ۇقساستىقتارعا توقتالدى. ول بۋدديزمدەگى بارلىق قۇبىلىستىڭ ءوزارا تاۋەلدىلىگى, حريستياندىقتاعى جاقىنعا دەگەن سۇيىسپەنشىلىك, يسلامداعى توزىمدىلىك پەن مەيىرىمدىلىك, سونداي-اق داوسيزمدەگى قالىپتاسقان جولعا ىلەسۋ قاعيدالارىن ەسكە سالدى. ونىڭ پىكىرىنشە, مۇنىڭ ءبارى دىنارالىق ديالوگقا مىقتى نەگىز بولا الادى.
سونىمەن قاتار ول ءدىني كونفەسسيا ليدەرلەرىن ىنتىماقتاستىقتى تەرەڭدەتۋگە, جاستار تاربيەسىن تالقىلاۋعا, وتباسى مەن مورالدىق قۇندىلىقتاردى نىعايتۋعا, رۋحاني دانالىقپەن بولىسۋگە جانە مادەني جوبالار اياسىندا بىرلەسىپ جۇمىس ىستەۋگە شاقىردى. اسىرەسە كليماتتىڭ وزگەرۋى, اشتىق جانە قاقتىعىستار سياقتى جاھاندىق سىن-قاتەرلەرگە نازار اۋدارۋ قاجەت ەكەنىن ايتتى.
ء«دىني قاۋىمداستىق تەك سوزبەن شەكتەلمەي, ناقتى ارەكەت ەتۋى ءتيىس – يگى ويلاردى شىنايى ىستەرگە اينالدىرۋ قاجەت. ءۇمىت وتىن جاعىپ, بوس ءسوزدى دوعارىپ, رۋحاني ەنەرگيانى بەيبىتشىلىككە جۇمساۋ كەرەك», دەپ اتاپ ءوتتى ول.
تسزين بو ءوز ءسوزىن سەزدىڭ ءساتتى وتۋىنە تىلەكتەستىك ءبىلدىرىپ, قىتاي بۋدديستىك اسسوتسياتسياسىنىڭ الەمدىك دىندەرمەن بىرگە ىلگەرى باسۋعا دايىن ەكەنىن جەتكىزدى.
«ىنتىماقتى قايىق ەتىپ, سەنىمدى جەلكەن ەتىپ, ال ارەكەتتى ەسكەك ەتسەك – بەيبىت ءارى باقىتتى بولاشاققا جەتە الامىز», دەدى تسزين بو.
