فوتو: nournews.ir
حۋسيتتەردىڭ باقىلاۋىنداعى دەنساۋلىق ساقتاۋ ورگاندارىنىڭ حابارلاۋىنشا, جاراقات العانداردىڭ سانى 165 ادامعا جەتكەن, ونىڭ ىشىندە ايەلدەر مەن بالالار دا بار. ەكى باسىلىمنىڭ كەڭسەسى تولىق قيراعان, ال «ال-ماسيرا» تەلەارناسى قۇتقارۋشىلاردىڭ قيراعان ۇيلەردى تازالاپ جاتقان ۆيدەوسىن جاريالادى.
يزرايل اسكەرلەرى شابۋىلدارىن اسكەري لاگەرلەر مەن حۋسيتتەردىڭ قوعاممەن بايلانىس شتابىنا باعىتتاپ, بۇل ارەكەتتەرىن توپ تاراپىنان ۇشقىشسىز ۇشاتىن اپپاراتتار مەن زىمىراندار ارقىلى جاسالعان شابۋىلدارعا جاۋاپ رەتىندە ءتۇسىندىردى.
حۋسيتتەردىڭ اسكەري قۇرىلىمدارىنىڭ وكىلى ياحيا ساريا ءيزرايلدىڭ ارەكەتتەرى جاۋاپسىز قالمايتىنىن اتاپ ءوتتى. سولتۇستىك يەمەننىڭ باسىم بولىگىن باقىلاۋدا ۇستايتىن حۋسيتتەر يزرايلگە قارسى شابۋىلدارىن جالعاستىرا بەرەتىنىن ايتقان جانە گازاداعى سوعىس پەن بلوكادانى توقتاتۋعا كۇش سالۋعا ۋادە ەتكەن.
