كەش مودەراتورى – جۋرناليست, قازاقستان جۋرناليستەر وداعىنىڭ مۇشەسى, قازاقستان كومپوزيتورلار وداعىنىڭ قۇرمەتتى مۇشەسى, سازگەر, عالىم بەكجىگىت سەردالى بولدى. ول تۇساۋكەسەر كەشىن جوعارى دەڭگەيدە جۇرگىزىپ, كىتاپتىڭ مازمۇنى مەن يدەيالىق قۇندىلىعىنا تەرەڭ ۇڭىلۋگە مۇمكىندىك بەردى.
تۇساۋكەسەر ءراسىمىن تۇركىستان وبلىستىق مادەنيەت باسقارماسى مادەني ءىس-شارالار جانە شىعارماشىلىق ۇيىرمەلەردىڭ جۇمىسىن ۇيلەستىرۋ ءبولىمىنىڭ باسشىسى مۇقاعالي كەنجەتاي ۇلى مەن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ الەۋمەتتىك-مادەني دامۋ جونىندەگى ۆيتسە-رەكتورى, عىلىم كانديداتى, اعا وقىتۋشى تولەگەنوۆ ەدىل مەيىربەك ۇلى اشىپ بەرىپ, شىعارما مەن ونىڭ تاربيەلىك ماڭىزىنا توقتالىپ, اۋدارماشى ەڭبەگىنە ساتتىلىك تىلەدى. ءسوز سوڭىندا مۇقاعالي كەنجەتاي ۇلى كىتاپتىڭ اۆتورىنا تۇركىستان وبلىسى مادەنيەت باسقارماسىنىڭ باسشىسى ءازىمحان سەرىك ۇلىنىڭ اتىنان ارنايى العىس حات پەن سىي سىياپاتىن تابىستادى.
شارا اياسىندا ارنايى كىتاپ كورمەلەرى جاساقتالىپ, تۇرىك ەلىنىڭ ادەبيەتى مەن مادەنيەتىنە ارنالعان ەرەكشە اتموسفەرا قالىپتاستى. سونداي-اق, “دوستاردىڭ ماحابباتى” كىتابىندا اتالعان تۇرىك ۇلتتىق تاعامدارى — سيميت, پاحلاۆا, تۇرىك كامپيتتەرى جانە باسقا دا تاتتىلەردەن ارنايى شاعىن فۋرشەت ۇيىمداستىرىلىپ, قوناقتارعا ۇسىنىلدى. بۇل داستارقان كورمەسى كىتاپتاعى مازمۇنمەن ساباقتاسىپ, وقىرماندى شىعارمانىڭ ىشكى الەمىنە ەلىكتىرە ءتۇستى.
تۇساۋكەسەر راسىمىنە تۇركىستان قالالىق مادەنيەت ءۇيىنىڭ ونەرپازدارى قازاق, قىرعىز جانە تۇرىك تىلدەرىندە اسەم اندەر ورىنداپ, كەشتىڭ مازمۇنىن تەرەڭدەتىپ, رۋحاني اسەرىن ارتتىردى. كىتاپحانا وقىرماندارى «دوستاردىڭ ماحابباتى» كىتابىنىڭ مازمۇنىنا نەگىزدەلگەن اسەرلى كورىنىس قويىپ, شىعارمانىڭ يدەياسى مەن تاربيەلىك ءمانىن كورەرمەنگە تەرەڭ جەتكىزە ءبىلدى. سونىمەن قاتار, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ سۋرەت ونەرى فاكۋلتەتىنىڭ ستۋدەنتتەرى «دوستاردىڭ ماحابباتى» كىتابىنىڭ جەلىسى بويىنشا سۋرەتتەر سالىپ, شىعارمانىڭ مازمۇنىن كوركەم بەينەلەۋ ارقىلى كەشتىڭ كوركىن اشا ءتۇستى.
بالالارعا ارنالعان جۇرەككە جىلى, تاربيەلىك ءمانى زور تۋىندىنىڭ تۇساۋىن مۇحيت تولەگەنوۆ, ايسۇلۋ قاسىمبەك, جەڭىسبەك جاپەكوۆ جانە رىسبەك لەتاەۆ كەسىپ, شىعارمانىڭ بولاشاق وقىرماندارىنا جول اشتى. بۇل ءسات – تۇرىك جانە قازاق ادەبيەتىنىڭ اراسىنداعى دوستىق كوپىرىن نىعايتا تۇسكەن ەرەكشە مادەني وقيعا بولدى.
ايتا كەتەيىك: گۇلجاز قارىبەكتىڭ تۇرىك جازۋشىسى فاتما گۇنەردەن اۋدارعان «دوستاردىڭ ماحابباتى» اتتى بالالارعا ارنالعان شىعارماسىنىڭ جارىق كورۋىنە تۇركىستان وبلىستىق ى.التىنسارين اتىنداعى بالالار كىتاپحاناسىنىڭ ديرەكتورى رىسبەك لەتاەۆ دەمەۋشىلىك كورسەتىپ, كىتاپتىڭ جارىققا شىعۋىنا تىكەلەي قولداۋ ءبىلدىردى. بۇل يگى ءىس – بالالار ادەبيەتىنە قوسىلعان قۇندى ۇلەس قانا ەمەس, قوس حالىق اراسىنداعى رۋحاني بايلانىستى نىعايتۋ جولىنداعى ماڭىزدى قادام بولدى.
شارانىڭ قۇرمەتتى قوناقتارى رەتىندە قر-نىڭ قۇرمەتتى ءجۋرناليسى, حالىقارالىق «اجار» سىيلىعىنىڭ لاۋرەاتى روزا نارىمبەتوۆا, قر-نىڭ مادەنيەت مايتالمانى پەرنەكۇل نالتاەۆا, ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ دوتسەنتى, تەولوگ-عالىم مۇحيت تولەگەنوۆ, ن.وڭداسىنوۆ اتىنداعى تۇركىستان مامانداندىرىلعان مەكتەپ-ينتەرناتىنىڭ قازاق ءتىلى مەن ادەبيەتى ءپانىنىڭ مۇعالىمى ۇلجان جولداسوۆا, قر ءبىلىم بەرۋ ءىسىنىڭ ۇزدىگى, جەنەۆا باو گونورار-دوتسەنتى, «جاھاندىق قۇزىرەتتەر» وقۋ-ادىستەمەلىگى كەشەندەرىنىڭ اۆتورى, الەۋمەتتىك عىلىمدار ماگيسترى ايسۇلۋ قاسىمبەك, ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتى, جۋرناليستيكا كافەدراسىنىڭ مەڭگەرۋشىسى بالزيا باەشوۆا جانە «تۇركىستان» تەلەارناسىنىڭ رەداكتورى ماريام ءابساتتار, مادەنيەت سالاسىنىڭ ۇزدىگى, سۋرەتشى, ديزاينەر مۇرات شاحانباي ءسوز سويلەپ, شاراعا ءوز ويلارى مەن جىلى لەبىزدەرىن ءبىلدىردى. ولار ءوز سوزىندە بۇل تۋىندىنىڭ قوس حالىق اراسىنداعى دوستىقتى نىعايتىپ, جاس ۇرپاقتىڭ رۋحاني دامۋىنا ۇلەس قوساتىنىن ەرەكشە اتاپ ءوتتى.
اتالمىش شاراعا تۇركىستان وبلىسىنا قاراستى بارلىق ورتالىقتاندىرىلعان كىتاپحانالار جۇيەلەرىنىڭ ديرەكتورلارى مەن بالالار كىتاپحاناسىنىڭ مەڭگەرۋشىلەرى قاتىستى.
شارا سوڭىندا گۇلجاز قارىبەك بارشا قاتىسۋشىلارعا, اسىرەسە كەشتىڭ مازمۇندى وتۋىنە ۇلەس قوسقان زيالى قاۋىم وكىلدەرىنە شىنايى العىسىن ءبىلدىرىپ, قۇرمەت رەتىندە ءوز اتىنان ەستەلىك سىي-سياپاتتار تابىستادى. بۇل – اۆتوردىڭ شىعارماشىلىق ەڭبەگىنە قولداۋ بىلدىرگەن بارشا جاندارعا دەگەن ريزاشىلىقتىڭ بەلگىسى بولدى.
«دوستاردىڭ ماحابباتى» – تۇرىك پەن قازاق حالىقتارىنىڭ اراسىنداعى ادەبي, مادەني بايلانىستى نىعايتا تۇسەتىن ماڭىزدى اۋدارما تۋىندى. بۇل ەڭبەكتىڭ قازاق تىلىنە اۋدارىلۋى – قوس حالىقتىڭ رۋحاني كوپىرىن جالعايتىن ەلەۋلى قادامداردىڭ ءبىرى.
كەش سوڭىندا وقىرماندار اۆتورعا ءوز العىستارىن ءبىلدىرىپ, كىتاپقا قولتاڭبا الۋ قۇرمەتىنە يە بولدى
