كۇن شىعىس ەلىندە جالاۋى جەلبىرەيتىن جارىستا قازاقستاننىڭ بەس جەڭىل اتلەتى ونەر كورسەتەدى. ولار – نورا دجەرۋتو (3000 مەترگە كەدەرگىلەر ارقىلى جۇگىرۋ), دەيزي دجەمپكەمەي (3000 مەترگە كەدەرگىلەر ارقىلى جۇگىرۋ, 10 000 مەترگە جۇگىرۋ), ياسمينا توقسانباەۆا (سپورتتىق ءجۇرىس, 20 شاقىرىم), گالينا ياكۋشەۆا (سپورتتىق ءجۇرىس, 35 شاقىرىم) جانە پولينا رەپينا (سپورتتىق ءجۇرىس, 35 شاقىرىم). مىنە, وسى بەس سپورتشىمىزدىڭ ەڭ بولماعاندا بىرەۋى توكيودا جەڭىس تۇعىرىنا كوتەرىلسە, سونىڭ ءوزى بىزدەر ءۇشىن ۇلكەن ولجا بولماق.
سوڭعى الەمدىك دودا 2023 جىلى ماجارستاننىڭ استاناسى – بۋداپەشتە وتكەن ەدى. اتالعان جارىستىڭ جالپى كوماندالىق ەسەبىندە اقش قۇراماسى جەكە-دارا كوش باستادى. امەريكالىقتار 29 (12 التىن+8 كۇمىس+9 قولا) جۇلدە ولجالادى. ەكىنشى جانە ءۇشىنشى ورىنداردا كانادا (4+2+0) مەن يسپانيا (4+1+0). سونىمەن قاتار, توپ-10-دىقتىڭ قاتارىنا يامايكا (3+5+4), كەنيا (3+3+4), ەفيوپيا (2+4+3), ۇلىبريتانيا (2+3+5), نيدەرلاند (2+1+2), نورۆەگيا (2+1+1) جانە شۆەتسيانىڭ (2+1+0) سپورتشىلارى قوسىلدى. وكىنىشكە قاراي, ول دودادان قازاقستان قۇراماسىنىڭ قورجىنى بوس قايتتى.
