تۇبەگەيلى جاڭعىرۋ ۋاقىتى

ەلىمىز – قازىردىڭ وزىندە ەلەكتروندىق ۇكىمەتتىڭ دامۋ يندەكسى بويىن­شا الەمدەگى 30 ەلدىڭ قاتارىندا. مەم­لەكەتتىك قىزمەتتىڭ 90 پايىزدان استامى ونلاين كورسەتىلەدى (بىلتىر 50 ملن قىزمەت). قولما-قول اقشاسىز تولەمنىڭ 70 پايىزدان استامى ءموبيلدى قوسىمشا ارقىلى جۇزەگە اسادى. 2024 جىلى قولما-قول اقشاسىز تولەمدەر اينالىمى 120 ترلن تەڭگەدەن استى. «اstana Hub» وڭىردەگى ەڭ ءىرى IT-ەكوجۇيەگە اينالدى. تسيفرلىق ءبىلىم بەرۋ پلاتفورمالارى ىسكە قوسىلدى. 2020 جىلدان بەرى 500 مىڭنان اسا ازامات تسيفرلىق قۇزىرەت كۋرسى ارقىلى ءبىلىمىن جەتىلدىردى. زاڭدى كۇشى بار تسيفرلىق قۇجاتتار ەنگىزىلدى. ايماقتاعى العاشقى سۋپەر­كومپيۋتەردىڭ ىسكە قوسىلعانى دا ماڭىزدى جاڭالىق بولعانى انىق.

جاڭا كەزەڭدەگى تاپسىرمالار ودان دا ماڭىزدى. پرەزيدەنت جاپپاي تسيفر­لاندىرۋ ەندى ءبىر مەكەمەنىڭ عانا ەمەس, بۇكىل مەملەكەتتىك اپپاراتتىڭ مىندەتى ەكەنىن قاداپ ايتتى. الداعى ترانسفورماتسيانىڭ اۋقىمىن باعا­لاۋ ءۇشىن پرەزيدەنتتىڭ جاڭا باس­تامالارىنىڭ تىزبەسىن جانە وندا قامتىلعان سالالاردىڭ اياسىن قاراۋ جەتكىلىكتى: قارجى سەكتورىندا – مەملەكەتتىك تسيفرلىق اكتيۆتەردىڭ قورىن ىسكە قوسۋ, فينتەحتى دامىتۋ جانە كيبەرقاۋىپتەردەن قورعاۋ; اۋىل شارۋاشىلىعىندا – جەر رەسۋرستارىنا سپۋتنيكتىك مونيتورينگ جۇرگىزۋ جانە تسيفرلىق كارتا جاساۋ; قۇرىلىستا جانە تكش-دا – قۇرىلىستىڭ بارلىق كەزەڭىن ەسەپكە الۋ مەن جوسپارلاۋعا ارنالعان ۇلتتىق تسيفرلىق پلاتفورما; كولىك-لوگيستيكادا – «Smart Cargo» جانە جي بازاسىندا تاسىمالداۋدى باسقارۋ جۇيەسىن ەنگىزۋ; دەنساۋلىق ساقتاۋدا – مەديتسينالىق قىزمەتتەردىڭ ساپاسىن باقىلاۋدىڭ جاڭا قۇرالدارىن پايدالانۋ; ءبىلىم بەرۋدە – Al-Sana باعدارلاماسىن جانە «Qazaq Digital Mektebi» جوباسىن ىسكە قوسۋ, وقۋشىلار مەن پەداگوگتەردى جي-مەن جۇمىس ىستەۋگە دايىنداۋ.

تسيفرلىق ترانسفورماتسيانى جانە جولداۋدىڭ باسقا دا باعىتتارىن قولداۋ ءۇشىن الداعى كەزەڭدە پارلامەنتتە بىرقاتار جاڭا زاڭ قابىلدانۋعا ءتيىس. ولاردىڭ قاتارىندا تسيفرلىق كودەكس, فينتەح پەن تسيفرلىق اكتيۆتەردى دامىتۋعا باعىتتالعان بانكتەر تۋرالى جاڭا زاڭ, سالانىڭ اشىق جانە تۇراقتى دامۋىنىڭ نەگىزىن قالايتىن قۇرىلىس كودەكسى بار. جوسپاردا – مەملەكەتتىك م ۇلىك تۋرالى زاڭدى جاڭارتۋ, جاڭا سالىق كودەكسى ارقىلى سالىقتىق اكىم­شى­لەندىرۋدى جەتىلدىرۋ جانە ولاردى تسيفرلىق جۇيەگە اۋىستىرۋ ارقىلى جەر قاتىناستارىن وڭايلاتۋ جونىندەگى تۇزەتۋلەر بار. ءبىر سوزبەن ايتقاندا, دەپۋتاتتىق كورپۋس پەن ۇكىمەتتىڭ جانە سالالىق ساراپشىلاردىڭ الدىندا اۋقىمدى بىرلەسكەن جۇمىس كۇتىپ تۇر.

جولداۋدا سونىمەن قاتار ساراپشىلار ورتاسىندا قىزۋ تالقىعا تۇسكەن تاعى ءبىر باستاما – جوعارى وكىلدى ورگاننىڭ رەفورماسى تۋرالى ايتىلدى. قازاق پارلامەنتاريزمىنىڭ بۇدان بىلايعى دامۋ كەلبەتىن بەلگىلەۋگە كەمىندە ءبىر جىل ۋاقىت بەرىلىپ وتىر. بۇل ماسەلە 2027 جىلى رەفەرەندۋمعا شىعارىلادى.

بولاشاق پىكىرتالاس ۇدەرىسىنىڭ ءوزى دە, تۇپكىلىكتى شەشىم قابىلداۋ سيپاتى دا دەموكراتيا يدەيالارىن ىلگەرىلەتۋ مەن ازاماتتاردىڭ ەل ءۇشىن ماڭىزدى شەشىمدەر قابىلداۋعا تىكەلەي قاتىسۋ مادەنيەتىن نىعايتۋعا دەگەن مەملەكەت باسشىسىنىڭ نىق شەشىمىن كورسەتەدى.

قازىرگى قۇرامنىڭ وسى ۋاقىت ىشىندەگى باستى مىندەتى – بولاشاق تسيفرلىق ەل ءۇشىن قۇقىقتىق بازانى قامتاماسىز ەتۋ. دەپۋتاتتار بۇل جۇمىستى باستاپ تا كەتتى.

ماكسيم سپوتكاي,

پارلامەنت سەناتى اپپاراتىنىڭ باسشىسى