جىل باسىنان بەرگى نەكەگە تۇرۋ راسىمدەرىنىڭ ءبارى زاڭدا بەلگىلەنگەن تارتىپپەن احاج ورگاندارى قىزمەتكەرلەرىنىڭ قاتىسۋىمەن جانە تۇزەۋ مەكەمەسى اكىمشىلىگىنىڭ كومەگىمەن وتكەن.
قاج دەپارتامەنتى وكىلدەرىنىڭ ايتۋىنشا, نەكەگە تۇرۋ قۇقىعىن ىسكە اسىرۋ سوتتالعانداردىڭ كەلەشەگىنە وڭ ىقپال ەتەدى. ولاردىڭ جازا مەرزىمىن وتەپ شىققاننان كەيىن, ومىرگە تەز بەيىمدەلۋىنە, ەڭبەككە ارالاسۋىنا, وتباسى جىلۋىن سەزىنىپ, اتا-انا جاۋاپكەرشىلىگىن موينىنا ارتۋىنا تىرەك بولادى. سونداي-اق, ولاردىڭ جەكە جاۋاپكەرشىلىگىن قالىپتاستىرىپ, جازا وتەۋ ورىندارىنداعى جانجالدار مەن قۇقىق بۇزۋشىلىقتار دەڭگەيىن تومەندەتەدى.
«بىزدە مۇنداي ءىس-شارالار ۇنەمى وتكىزىلىپ تۇرادى. مەكەمە اكىمشىلىگى نەكەنى تىركەۋگە دايىندالۋعا جانە ۇيىمداستىرۋعا كومەكتەسەدى. مۇنداي تاجىريبە ادامدى قايتا تاربيەلەۋ, تۇزەۋ ۇدەرىسىنە وڭ اسەر ەتەدى جانە سوتتالعانداردىڭ جازاسىن وتەگەننەن كەيىن قوعامدا تولىققاندى ومىرگە ورالۋىنا جاعداي جاسايدى», دەپ مالىمدەدى وبلىستىق قاجد-نىڭ ءباسپاسوز قىزمەتى.
قوستاناي وبلىسى
