جاستارعا جاۋاپكەرشىلىك جۇكتەلەدى

جاساندى ينتەللەكت ارقىلى جاڭا باسقارۋ فورمالارىن ەن­گىزۋ, مەملەكەتتىك قىزمەت پەن قو­عام­دا تسيفرلاندىرۋدى تە­رەڭ­دەتۋ, سونداي-اق ناقتى ناتي­جە­لەر­گە جۇمىس ىستەۋ جولداۋ­­داعى نەگىزگى مەسسەدجدەردىڭ ءبىرى بولدى. سونىمەن قاتار مەملە­كەت باسشىسى ازاماتتاردىڭ قار­جىلىق ساۋاتىن ارتتىرۋ قاجەت­تىگىنە ەرەكشە توقتالدى. بۇل باعىتتا جۇزەگە اسىرىلىپ جات­قان «Amanat» پارتياسىنىڭ «قارىزسىز قوعام» جوباسىن ءارى قاراي جالعاستىرۋ ماڭىزدى ەكەنىن ايتتى.

پارتيالىق جوبا اياسىندا كۇنى بۇگىنگە دەيىن 845 مىڭ ادام قارجىلىق ساۋاتىن ارتتىرىپ, زاڭگەرلىك كومەك الدى. مۇنداعى باستى ماقسات – حالىقتىڭ قارىزىن ازايتۋ عانا ەمەس, ازاماتتاردىڭ تابىسىنىڭ تۇراقتىلىعىن قامتاماسىز ەتۋ. اتالعان جوبا ەلىمىزدىڭ تۇك­پىر-تۇكپىرىندە حالىقتىڭ قارجى­لىق ءبىلىمىن كەڭەيتىپ, ەكونو­ميكالىق تۇرعىدان ءومىر ساپاسىن ارتتىرۋعا جول اشتى. بۇل باعىتتاعى ءىس-شارالار كەشەنىن «Amanat» پارتياسى قارقىندى جالعاستىرادى.

سونداي-اق پارتيا تاراپىنان «تسيفرلىق قوعام» جوباسى ىسكە قوسىلدى. ول ءتۇرلى الەۋمەتتىك توپتى قامتيدى. تسيفرلىق ورتاداعى قاۋىپسىزدىك پەن ءبىلىم ءار ادامعا قولجەتىمدى بولۋى كەرەك. پارتيالىق جوبا اياسىندا جاستار مەن ازامات­تاردىڭ اق­پا­راتتىق كەڭىستىكتە ەركىن ءارى قاۋىپ­سىز بولۋىنا جاعداي جاسالادى.

پرەزيدەنت ەكو-سانا مەن سۋدى ۇنەمدەۋ مادەنيەتىن قالىپتاستىرۋ جايىندا دا ءسوز ەتتى. «تازا قازاقستان» جالپى­ۇلتتىق جوباسىن جۇزەگە اسى­رىپ, اتسالىسىپ جۇرگەن جاستارعا ەرەكشە العىسىن جەتكىزدى. تۇراقتى ءىس-شاراعا اينالعان «تازا قازاقستانعا» رۋحتاستار­دىڭ قوسقان ۇلەسى ەرەكشە. بىل­تىردان بەرى جاستار قاناتى ەكولوگتەر, ەرىكتىلەرمەن بىرلەسە اۋقىمدى جۇمىس اتقاردى. 1 200 شاقىرىمدى قامتىعان Road-ەستافەتا, ءار بەيسەنبى وتەتىن تۇراقتى تازالىق اكتسيا­لارى مەن ءتۇرلى ەكولوگيالىق ءىس-شارا قوعام بەلسەندىلىگىن ارتتىرىپ, قورشاعان ورتاعا دەگەن جاۋاپكەرشىلىكتى تەرەڭدەتۋگە زور ىقپال ەتىپ جاتىر. بۇل باستا­مالار ەكولوگيالىق تار­بيە­نىڭ ۇلگىسىنە اينالىپ, ەل بولاشاعى ءۇشىن ماڭىزدى مادەني وزگەرىستەرگە جول اشادى.

مەملەكەت باسشىسى جاستارعا ۇلكەن سەنىم, جاۋاپكەرشىلىك ارتىپ وتىر. وسى ۇدەدەن شىعىپ, جاستاردىڭ قوعامعا پايدالى بولۋى – جاۋاپتى ءارى ماڭىزدى ءىس. جاڭاشىلدىق, جاسامپازدىق, وتانشىلدىق قاسيەتتەردى العا تارتىپ, ءبىز دە ءوز تاراپىمىزدان جۇيەلى جۇمىس ىستەيمىز.

اقەركە يسكاندەروۆا,

«Amanat» پارتياسى جانىنداعى «جاستار رۋحى» قاناتىنىڭ توراعاسى