سۋرەت: gov.kz
جولداۋدا ەل ءۇشىن ماڭىزدى ماسەلەلەر كوتەرىلدى. سولاردىڭ ءبىرى – ينۆەستيتسيالىق ساياساتتى قايتا قاراستىرۋ. پرەزيدەنتتىڭ سوزىنە ساي ينۆەستيتسيانىڭ نەگىزگى بولىگى شيكىزات سالاسىنا ەمەس, وڭدەۋ ونەركاسىبىنە, شاعىن جانە ورتا بيزنەسكە, جوعارى تەحنولوگيالىق جوبالارعا باعىتتالۋى قاجەت. بۇل – ەلىمىزدىڭ ەكونوميكالىق دامۋىنىڭ جاڭا كەزەڭىن باستايتىن قادام. وسى تۇرعىدا بۇعان دەيىنگى دە پرەزيدەنت تاپسىرماسىنا سايكەس باتىس قازاقستان وبلىسى كولەمىندە ينۆەستيتسيا تارتۋ باعىتىندا اۋقىمدى جۇمىس اتقارىلدى. دەگەنمەن ءبىزدىڭ وبلىس ءالى دە ينۆەستورلار ءۇشىن قولايلى جاعداي قالىپتاستىرۋعا, جاڭا ءوندىرىس ورىندارىن اشۋعا جانە يننوۆاتسيالىق جوبالاردى قولداۋعا دايىن.
پرەزيدەنت اتاپ وتكەندەي, جاڭا تەحنولوگيانى, سونىڭ ىشىندە جاساندى ينتەللەكتى ەنگىزۋ ەلىمىزدىڭ دامۋىندا ماڭىزدى ءرول اتقارادى. باتىس قازاقستان وبلىسىندا بۇل باعىتقا ەرەكشە كوڭىل ءبولىنىپ كەلەدى. جاساندى ينتەللەكتىنى ءتيىمدى پايدالانۋ ارقىلى ءوڭىر ەكونوميكاسىن جاڭا دەڭگەيگە كوتەرىپ, حالىقتىڭ ءومىر ءسۇرۋ ساپاسىن جاقسارتۋعا مۇمكىندىك بەرەمىز.
جولداۋدا مەملەكەت باسشىسى ەلىمىزدىڭ ساياسي جۇيەسىن ودان ءارى جەتىلدىرۋ قاجەتتىگىن اتاپ ءوتتى. سونىڭ ىشىندە پارلامەنتتىڭ ءبىر پالاتالى قۇرىلىمعا كوشۋ ماسەلەسى ەرەكشە ايتىلدى. بۇل باستاما – زاڭ شىعارۋ ۇدەرىسىن جەدەلدەتۋگە, دەپۋتاتتاردىڭ جاۋاپكەرشىلىگىن ارتتىرۋعا, حالىقتىڭ سەنىمىن كۇشەيتۋگە باعىتتالعان ماڭىزدى قادام. بۇل وزگەرىستەر ەلدەگى دەموكراتيالىق ينستيتۋتتاردى نىعايتىپ قانا قويماي, وڭىرلەردىڭ دامۋىنا دا وڭ ىقپالىن تيگىزەدى.
پرەزيدەنت جولداۋى – ەلىمىزدىڭ دامۋىنا تىڭ سەرپىن بەرەتىن ستراتەگيالىق قۇجات. وندا قويىلعان مىندەتتەردى ورىنداۋ – ءبارىمىزدىڭ ورتاق پارىزىمىز. ءبىز باتىس قازاقستان وبلىسىنىڭ تۇرعىندارىمەن بىرگە ەل يگىلىگى ءۇشىن ايانباي ەڭبەك ەتىپ, مەملەكەت باسشىسىنىڭ باستامالارىن جۇزەگە اسىرۋعا بەلسەنە اتسالىسامىز.
ناريمان تورەعاليەۆ,
باتىس قازاقستان وبلىسىنىڭ اكىمى
