بۇگىندە قالا بويىنشا 23 370 ازامات تۇرعىن ءۇي كەزەگىندە تۇر. بيىل تۇرعىن ۇيمەن قامتاماسىز ەتۋ ماقساتىندا 944 پاتەرلى 11 تۇرعىن ءۇيدى پايدالانۋعا بەرۋ جوسپارلانعان.
تۇركىستان قالالىق تۇرعىن ءۇي قاتىناستارى جانە تۇرعىن ءۇي ينسپەكتسياسى ءبولىمىنىڭ باسشىسى تالعات ۇسەنباەۆتىڭ ايتۋىنشا, جىل سوڭىنا دەيىن قالعان 512 پاتەرلى 6 تۇرعىن ءۇيدىڭ قۇرىلىس جۇمىستارى تولىقتاي اياقتالادى.
سونداي-اق بيىل قالادا «وتباسى بانك» ارقىلى نەسيەلىك جۇيەمەن 2 078 تۇرعىن ءۇي بەرىلەدى. تۇركىستاندا ورنالاسقان تۇرعىن ۇيلەرگە وتىنىشتەر وبلىس بويىنشا ءۇي كەزەگىندە تۇرعان بانك سالىمشىلارىنان قابىلدانادى. ال, شارشى مەتر باعاسى 180 000 مەن 220 000 تەڭگە ارالىعىندا بولماق.
