جەر رەسۋرستارىن باسقارۋ كوميتەتىنىڭ مالىمەتىنە قاراعاندا, مۇنداي تەكسەرۋ جۇرگىزۋگە 30 مامىردا قۇلسارى قالاسىندا گاز قۇيۋ ستانسىنداعى جارىلىس سەبەپ بولعان. جارىلىستان 14 ادام زارداپ شەگىپ, ەكى ادام قازا تاپقان ەدى. ءۇش عيمارات, گاز قۇيۋ ستانساسى ءب ۇلىندى.
«اتىراۋ وبلىستىق جەر رەسۋرستارىن باسقارۋ دەپارتامەنتىنىڭ ماماندارى اۆتوگاز قۇيۋ ستانسالارى ورنالاسقان جەر تەلىمدەرىن پايدالانۋ زاڭدىلىعىنا جوسپاردان تىس تەكسەرۋلەردى باستادى. تەكسەرۋ كەزىندە جەر تەلىمدەرىن ماقساتسىز پايدالانۋ فاكتىلەرى انىقتالدى. جەر كودەكسىنىڭ 65-بابىنا سايكەس, جەر تەلىمدەرى نىسانالى ماقساتىنا جانە شارت تالاپتارىنا ساي پايدالانىلۋى ءتيىس. تەكسەرۋ ناتيجەسىندە 8 اكىمشىلىك ءىس قوزعالدى. زاڭ بۇزۋشىلىققا جول بەرگەن گاز قۇيۋ ستانسالارىنىڭ يەلەرىنە ايىپپۇل سالىندى. انىقتالعان زاڭ بۇزۋشىلىقتاردى جويۋ تۋرالى مىندەتتى نۇسقامالار بەرىلدى», دەپ حابارلادى اتالعان كوميتەتتەن.
