وبلىستىق دەنە شىنىقتىرۋ, سپورت جانە تۋريزم باسقارماسىنىڭ باسشىسى نۇربول سىدىقوۆتىڭ ايتۋىنشا, بۇل بايگە – ۇلتتىق سپورتتى دارىپتەۋ مەن جاستاردى وتانسۇيگىشتىككە تاربيەلەۋگە باعىتتالعان ماڭىزدى شارا. ەلدىڭ بىرلىگىن نىعايتىپ, ۇلتتىق سالت-ءداستۇر مەن سپورتتى دارىپتەۋ كوزدەلگەن.
بايگەنىڭ جۇلدە قورى – 10 ميلليون تەڭگە. ماسەلەن, 6 شاقىرىمدىق تاي جارىستا باتىس قازاقستان وبلىسىنان كەلگەن «مەدينا» اتتى جۇيرىكتىڭ يەسى ءبىرىنشى ورىندى ولجالادى. ال 9 شاقىرىمدى قۇراعان قۇنان بايگەدە اقجايىق اۋدانىنان قوسىلعان «بورتە» سايگ ۇلىگى توپ جاردى.
توپ بايگەنىڭ جۇيرىكتەرى 18 شاقىرىمعا شاپتى. ماڭعىستاۋ وبلىسىنىڭ تۇلپارى – «سارحان» مارەگە ءبىرىنشى جەتتى. جۇيرىكتى بايگەگە قوسقان اتبەگىگە 1 ميلليون 200 مىڭ تەڭگە بەرىلدى.
جۇرت الامان بايگەنى اسىعا كۇتتى. الاماننىڭ قاشىقتىعى – 24 شاقىرىم. بۇل سايىستا «اقبايان» اتتى جۇيرىكتىڭ باعى جاندى. جەلدەي ەسكەن جانۋاردىڭ يەسى 1 ميلليون 800 مىڭ تەڭگەنى يەلەندى.
«بۇل – مەن ءۇشىن ەرەكشە جەڭىس ءارى قۋانىش. العاش رەت بايگە اتىمەن 7 جاسىمدا شاپقان ەدىم. ءۇش جىلدان بەرى شاباندوزبىن. الاماندا الدىنا قارا سالماعان «سارحان» اتالاتىن جۇيرىكتى رەسەيدەن اكەلىنگەن», دەيدى شاباندوز ناسيحات ابدوللا.
اتىراۋ وبلىسى
