وبلىستىق پوليتسيا دەپارتامەنتىنىڭ مالىمەتىنە سۇيەنسەك, ءتارتىپ ساقشىلارى «قۇقىقتىق ءتارتىپ» جەدەل الدىن الۋ شاراسىنىڭ ءۇش كۇنىندە 1100-دەن استام ادامدى اكىمشىلىك جاۋاپكەرشىلىككە تارتتى.
— وسى ارالىقتا 37 قىلمىس تىركەلىپ, 1107 ادام قوعامدىق ورىندا ىشىمدىك ءىشۋ, ماس كۇيدە كولىك باسقارۋ سىندى قۇقىق بۇزۋ جاسادى. زاڭ تالاپتارىن ساقتاماعاندار اراسىندا جاسوسپىرىمدەر دە بار. شارا بارىسىندا جاڭا وقۋ جىلىنىڭ باستالۋىنا بايلانىستى بالالاردىڭ قاۋىپسىزدىگىنە ەرەكشە نازار اۋدارىلدى. مەكتەپ ماڭىنداعى جولداردىڭ جاي-كۇيى دە تەكسەرىلىپ جاتىر, — دەلىنگەن اقپاراتتا.
جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋ ءۇشىن پوليتسيا قىزمەتكەرلەرى ويىن-ساۋىق ورىندارىن دا قاداعالاپ كەلەدى.
— جىل باسىنان بەرى تۇنگى ۋاقىتتا كوشەدە ەرەسەكتەرسىز جۇرگەن 148 بالا انىقتالعان. سونداي-اق اتا-انالىق مىندەتىن دۇرىس اتقارماعانى ءۇشىن 452 ادام جاۋاپقا تارتىلىپ, 15 ادام اتا-انالىق قۇقىعىنان ايىرىلدى, — دەلىنگەن حابارلامادا.
