وبلىستىق ءبىلىم باسقارماسىنىڭ مالىمەتىنشە, جاڭا وقۋ جىلىنا دايىندىق بارىسىندا جىلۋ ماۋسىمىنا قاجەتتى وتىن جەتكىزىلىپ, مەكتەپتەردىڭ ماتەريالدىق-تەحنيكالىق بازاسى نىعايتىلعان. جىل سوڭىنا دەيىن 58 مەكتەپتىڭ سپورت زالى مەن اسحاناسى جاڭارىپ, 70 ءپان كابينەتى ساتىپ الىنادى.
بيىل الەۋمەتتىك قولداۋ شارالارىنا دا ەرەكشە ءمان بەرىلۋدە. 25 مىڭنان استام الەۋمەتتىك جاعدايى تومەن وتباسى بالالارىنا مەكتەپ فورماسى مەن كەڭسە تاۋارلارىن الۋعا 1,1 ملرد تەڭگە ءبولىنىپ, قارجى اتا-انالاردىڭ ەسەپشوتتارىنا اۋدارىلدى. سونداي-اق باستاۋىش جانە الەۋمەتتىك وسال وتباسى بالالارى تەگىن ىستىق تاماقپەن قامتىلادى.
وقۋشىلاردىڭ قاۋىپسىزدىگىن قامتاماسىز ەتۋ ءۇشىن بيىل وبلىسقا قوسىمشا سەگىز اۆتوبۋس الىنعان. قازىرگى تاڭدا 87 ەلدى مەكەننەن 2 مىڭنان استام بالا مەكتەپكە تاسىمالدانادى.
جاڭا وقۋ جىلىندا جەتىسۋ وبلىسىندا وقۋشىلار سانى 131 مىڭنان اسسا, ونىڭ ىشىندە 13 مىڭنان استامى ءبىرىنشى سىنىپقا بارادى. ال وبلىس كوللەدجدەرىنە 4,5 مىڭ ستۋدەنت قابىلدانادى.
