وبلىس اكىمى سەرىك شاپكەنوۆتىڭ دەرەگىنە قاراعاندا, جاڭا عيماراتتا ءۇش بلوك بولادى. ونىڭ ءبىرى – 1200 ورىندىق كونتسەرت زالى. ال ەكىنشى بلوكقا تاريحي-ولكەتانۋ مۋزەيى ورنالاسادى. تاريحي جادىگەرلەر جيناقتالاتىن بلوكتا تسيفرلىق جانە عىلىمي كىتاپحانا, عىلىمي-زەرتحانالىق كەشەن, شەبەرلىك بولمەلەرى, ارحيۆتىك قور ساقتاۋ ورنى مەن كورمە زالدارى, ەكسپوزيتسيالىق كەڭىستىكتەرگە ورىن بەرىلەدى.
سونداي-اق ەكى بلوكتى «دومبىرا» پىشىنىندەگى كورىنىس الاڭى بايلانىستىرادى. جوبالاۋشىلار ۇلتتىق اسپاپ تۇرىندەگى الاڭدا كاسسالىق گالەرەيا قوسالقى قىزمەتتىك بولمەلەردى ورنالاستىرۋدى كوزدەپتى.
«مەملەكەت باسشىسى اتىراۋعا كەلگەن ساپارىندا جاڭا مادەني ورتالىق سالۋ قاجەتتىگىنە نازار اۋداردى. وعان ۇلى كۇيشى قۇرمانعازى اتامىزدىڭ ەسىمىن بەرۋدى ۇسىنعان ەدى. پرەزيدەنت تاپسىرماسىنا سايكەس ەڭ ۇلكەن مادەني نىساننىڭ قۇرىلىسى باستالدى. بۇل عيمارات تەك ارحيتەكتۋرالىق نىسان ەمەس, رۋحاني جاڭعىرۋدىڭ جارقىن كورىنىسى, ۇلت مادەنيەتىنىڭ التىن كوپىرى, ونەر مەن ونەگەنىڭ ورداسى بولادى», دەيدى سەرىك شاپكەنوۆ.
اتىراۋ وبلىسى
