اتالعان ءىس-شارا قازاقستان رەسپۋبليكاسى كونستيتۋتسياسىنىڭ 30 جىلدىعىنا وراي ارنايى ۇيىمداستىرىلدى. اتا زاڭ – مەملەكەتىمىزدىڭ بىرلىگى مەن تۇراقتىلىعىن قامتاماسىز ەتۋشى نەگىزگى قۇجات, قوعام دامۋىنىڭ باستى كەپىلى بولىپ تابىلادى. وسى رەتتە وتاۋ قۇرعاندارىنا 30 تىل تولعان ء ىنجۋ توي يەلەرىنە سالتاناتتى تۇردە نەكە كۋالىگى تابىستالدى.
احات باسقارماسىنىڭ باسشىسى اقبوتا كارناكباەۆا ەرلى-زايىپتىلاردى مەرەيتويىمەن قۇتتىقتاي كەلە, وتباسى قۇندىلىقتارىن ساقتاۋدىڭ ماڭىزدىلىعى جونىندە اتاپ ءوتتى.
«وتباسى – قوعامنىڭ ىرگەتاسى. كونستيتۋتسيانىڭ 30 جىلدىعى اياسىندا ءبىز تاعى دا وتباسىلىق قۇندىلىقتاردىڭ مەملەكەت تىرەگى ەكەنىنە كوز جەتكىزدىك. سىزدەردىڭ باياندى ءومىر جولدارىڭىز جاس ۇرپاققا ءاردايىم ۇلگى-ونەگە», دەدى باسقارما باسشىسى اقجارما تىلەگىن ارناپ.
ايتا كەتۋ كەرەك, جىل باسىنان بەرگى 7 اي ىشىندە شىمكەنت قالاسىندا 4 مىڭنان استام نەكە تىركەلدى. ا.كارناكباەۆانىڭ مالىمدەۋىنشە, نەكە قيۋعا ءوتىنىمدى ازاماتتار احات بولىمدەرىندە نەمەسە ەكىنشى دەڭگەيلى بانكتەردىڭ ءموبيلدى قوسىمشالارى ارقىلى ونلاين فورماتتا بەرە الادى.
