تەمىرجول جەلىسى جاڭعىرىپ, دامۋ قارقىنى ارتتى

بۇگىندە وسى باستامالاردى جۇزەگە اسىرۋ جۇمىستارىنىڭ باعىتى  قارقىندى. تەمىرجول سالاسىندا ۇزىندىعى 1,3 مىڭ شاقىرىمنان استام 4 جوبا جۇزەگە اسىرىلىپ جاتىر, ولار: «دوستىق – مويىنتى», الماتى اينالما جولى, «داربازا – ماقتاارال» جانە «باقتى – اياگوز».

بيىل الماتى اينالما جولى مەن «دوستىق – مويىنتى» ۋچاسكەسىنىڭ ەكىنشى جولدارى اياقتالادى, بۇل جۇك تاسىمالى كولەمىن بەس ەسەگە ارتتىرۋعا مۇمكىندىك بەرەدى. «ترانس-قازاقستان تەمىرجول ءدالىزى» اۋقىمدى جوباسى ىسكە قوسىلدى. ونىڭ اياسىندا «مويىنتى – قىزىلجار» ۋچاسكەسى (366 شاقىرىم) سالىنادى جانە 1,6 مىڭ شاقىرىم جولدى جاڭعىرتۋ جۇمىستارى جاسالادى. الداعى 5 جىلدا 16 مىڭ شاقىرىم جول سالۋ جانە جوندەۋ جوسپارلانىپ وتىر.

كولىك ۆيتسە-ءمينيسترى ماقسات قالياقپاروۆتىڭ ايتۋىنشا سونداي-اق 125 ۆوكزال جاڭعىرتىلعان.

«عيماراتتاردىڭ قاسبەتتەرى, ينجەنەرلىك جەلىلەرى, زالداردى, پلاتفورمالارى جاڭارتىلىپ, موبيلدىلىگى تومەن ازاماتتار ءۇشىن قاۋىپسىزدىك جۇيەلەرى مەن ىڭعايلى جاعدايلار جاسالىپ جاتىر. بيىل جولاۋشىلار ۆاگوندارىنىڭ پاركى 175 بىرلىككە تولىقتىرىلادى, ونىڭ ىشىندە Stadler كومپانياسىنىڭ 51 ۆاگونى بار», دەپ اتاپ ءوتتى م.قالياقپاروۆ.