سۋرەت: astanadaryny.kz
قازاقستان – وليمپيادا جەڭىمپازدارىن ىنتالاندىرۋدىڭ مۇنداي جۇيەسىن ەنگىزگەن ساناۋلى ەلدەردىڭ ءبىرى.
بۇگىنگى وقۋشىلار حيميا (IChO), ماتەماتيكا (IMO), فيزيكا (IPhO), بيولوگيا (IBO), گەوگرافيا (IGeO), لينگۆيستيكا (IOL) جانە ينفورماتيكا (IOI) پاندەرى بويىنشا الەمدەگى ەڭ مىقتى كوماندالارمەن لايىقتى باسەكەلەسىپ, جەتى ءىرى حالىقارالىق زياتكەرلىك وليمپيادادا جارقىن جەڭىستەرگە قول جەتكىزدى.
بيىل ۇلتتىق قۇرامامىزدىڭ قورجىنىنا 27 مەدال قوسىلدى. ءبىز گەوگرافيا پانىنەن الەمدە ەكىنشى ورىن الدىق, حيميادان ءۇش مارتە الەم چەمپيونى اتاندىق, عىلىمي فيزيكادان ءابسوليۋتتى چەمپيون بولدىق, ال بالقان ماتەماتيكالىق وليمپياداسىندا ەكى جىل قاتارىنان ەڭ ۇزدىك ءۇش كوماندانىڭ قاتارىنا كىردىك.
جوعارى دارەجەلى ماراپاتتاردىڭ سانى ەكى ەسە ارتتى. حالىقارالىق زياتكەرلىك جارىستارعا قاتىسقان ءاربىر ەكىنشى وقۋشى ەلگە جۇلدەمەن ورالدى. 2024–2025 وقۋ جىلىندا 34 وليمپيادا مەن بايقاۋدا ەل نامىسىن قورعاعان 1712 وقۋشىنىڭ 1002-ءسى جۇلدەگەر اتاندى, ونىڭ ىشىندە 193-ءى التىن مەدال يەلەندى.
بۇل دەرەكتەر – وقۋشىلارىمىزدىڭ زياتكەرلىك سايىستارداعى جەتىستىكتەرىنىڭ سەنىمدى ءوسىمىن, ولاردىڭ تالانتى مەن ەڭبەكسۇيگىشتىگىن, ۇستازداردىڭ كاسىبي شەبەرلىگىن جانە مەملەكەت تاراپىنان كورسەتىلەتىن جوعارى سەنىم مەن قولداۋدىڭ ايقىن دالەلى.
ال بيىلعى تامىز كەڭەسىنىڭ بەرەرىنە كەلسەك, ءبىز دارىندى بالالاردى دايىنداۋدىڭ قىر-سىرىن ۇيرەتەتىن سەكتسيالارعا قاتىسىپ, وزىمىزگە كوپ قور جيناپ الدىق. وندا رەسپۋبليكالىق دەڭگەيدەگى ماماندار بىلگەنىن ۇيرەتىپ, ەلىمىزدىڭ زياتكەرلىك الەۋەتىن الەمدىك ارەنادا كورسەتەتىن ەل ەرتەڭىن قانات قاقتىرۋعا شابىت سىيلادى.
جانار بەيسەنباەۆا,
«استانا دارىنى» ورتالىعىنىڭ ديرەكتورى
