جەرگىلىكتى پوليتسيا قىزمەتى باسقارماسى باستىعىنىڭ ورىنباسارى ادىلبەك شاحمەتوۆتىڭ دەرەگىنە قاراعاندا, جول-كولىك وقيعاسى ازايماي وتىر.
«شىلدە ايىندا اتىراۋ وبلىسىنىڭ اۋماعىنداعى وبلىستىق جانە رەسپۋبليكالىق, اۋىل ىشىندەگى جولداردا بىرنەشە جول-كولىك وقيعاسى تىركەلدى. وكىنىشكە قاراي, اتالعان اپاتتاردىڭ سالدارىنان 10 ادام ءولىمى تىركەلدى. ونىڭ ىشىندە جاسوسپىرىمدەردىڭ ءومىرىن قيعان قايعىلى وقيعالار دا بار», دەيدى ادىلبەك شاحمەتوۆ.
پوليتسەيدىڭ مالىمەتىنشە, قۇرمانعازى اۋدانىندا كەشكى مەزگىلدە ۆاز اۆتوكولىگى قاعىپ كەتكەن ءجاسوپىرىم وقيعا ورنىندا قازا تاپقان. ال قۇلسارى قالاسىندا «پاز-3204» كولىگى مەن موپەد سوقتىعىسقان. سونىڭ سالدارىنان ءجاسوسپىرىم كوز جۇمعان.
«15 شىلدەدە كۇندىزگى ساعات 12:30 شاماسىندا اقتوبە-اتىراۋ-رەسەي فەدەراتسياسىنىڭ شەكاراسى باعىتىنداعى جولدىڭ 814-شاقىرىمى تۇسىندا Toyota جانە EXEED اۆتوكولىكتەرى سوقتىعىستى. جول اپاتىنان 4 ادام مەرت بولدى. ال 20 شىلدەدە ءدال وسى جولدىڭ 496-شاقىرىمى تۇسىندا Toyota اۆتوكولىگى تۇيە مالىنا سوقتىعىسىپ, جولاۋشىسى قايتىس بولدى. 30 شىلدەدە اتالعان جولدىڭ 624-شاقىرىمىندا گاز جانە Toyota Alphard اۆتوكولىگى سوقتىعىسۋىنان ءجاسوسپىرىم وقيعا ورنىندا كوز جۇمدى», دەپ حابارلادى ءا.شاحمەتوۆ.
