وسى جاعدايعا كوز جەتكىزگىسى كەلگەن شوتلانديالىق عالىمدار ەدينبۋرگ كوشەلەرىندە قىزىق تاجىريبە جۇرگىزدى. ولار 240 ءامياندى ادەيى «جوعالتىپ», يەسىنە قايتارىلۋ ىقتيمالدىلىعىن زەرتتەدى. ناتيجەسى – تاڭعالارلىق. ىشىندە سۋرەتى جوق ءاميانداردىڭ بار-جوعى 15%-ى عانا يەسىنە ورالعان. ال قارت جۇپتىڭ سۋرەتى سالىنعاندارى – 28%, وتباسىلىق سۋرەتى بارلارى – 48%, ءۇي جانۋارى بەينەلەنگەندەرى – 53% قايتارىلعان. بىراق ناعىز رەكوردتى ءسابي سۋرەتى ورناتتى. مۇنداي ءاميانداردىڭ 88%-ى يەسىن تاپقان. عالىمداردىڭ پايىمداۋىنشا, ءسابي بەينەسى ادامداردىڭ ەرەكشە جاناشىرلىق سەزىمىن وياتادى. جۇرەك ەلجىرەگەن ساتتە ادام جوعالعان زاتتى يەسىنە قايتارۋعا بەيىم كەلەدى.
