كەيىننەن اقىننىڭ مەرەيتويىنا ارنالعان ءىس-شارا «ولەڭىمنىڭ ءار جولى – ءومىربايان» اتتى شىعارماشىلىق كەشكە ۇلاستى. ادەبي-مادەني كەشتە العاش ءسوز العان وبلىس اكىمى اپپاراتىنىڭ باسشىسى لەسبەك ىلەباەۆ ءوڭىر باسشىسى ەربول قاراشوكەەۆتىڭ قۇتتىقتاۋ حاتىن وقىپ, ىرگەسىن اۋىلدان الىستاتپاعان اقىنعا قۇرمەت كورسەتتى.
قازاقستان جازۋشىلار وداعى باسقارما توراعاسى مەرەكە قۇلكەنوۆ ءسوز الىپ, شىرىن ماماسەرىكوۆانى 80 جىلدىق مەرەيتويىمەن قۇتتىقتادى.
«شىرىن اپايدى جاس كەزىمنەن بىلەمىن. شىرىن بوكەيقىزى الماتىعا ات باسىن بۇرعاندا, تۇتاس اۋىل كوشىپ كەلگەندەي بولاتىن. اۋىلدا تۇرىپ, تاماشا ولەڭدەر جازا ءبىلدى. الماتىداعى اقىنداردى سول ولەڭدەرىمەن مويىنداتتى. سىزگە ۇزاق عۇمىر, شىعارماشىلىق شابىت تىلەيمىن», دەدى وداق توراعاسى.
ءان-جىرمەن ادىپتەلگەن شىعارماشىلىق كەش بارىسىندا ايتۋلى اقىننىڭ ىنىلەرى مەن سىڭلىلەرى, قالامداس باۋىرلارى اقجارما تىلەكتەرىن اياپ قالعان جوق. ءبىر سوزبەن ايتقاندا, شىرىن ماماسەرىكوۆا ارىپتەستەرىنىڭ دە, جەرگىلىكتى اتقارۋشى بيلىك وكىلدەرىنىڭ دە ىستىق ىقىلاسىنا بولەندى.
شىعارماشىلىق كەش سوڭىندا ءسوز العان شىرىن ماماسەرىكوۆا قۇرمەت كورسەتكەن ازاماتتاردىڭ بارلىعىنا ريزاشىلىعىن جەتكىزدى. تاعدىردىڭ ءتۇرلى سىناقتارىنا توزە بىلگەن اقىن الداعى ۋاقىتتا دا مەركىسىنەن الىستاماي, تاماشا ولەڭدەر جازۋعا ۋادە ەتتى.
جامبىل وبلىسى,
مەركى اۋدانى
