قۇقىق قورعاۋ ورىندارىنىڭ مالىمەتىنشە, كۇدىكتى جابىرلەنۋشىلەرگە پسيحولوگيالىق قىسىم كورسەتكەن, كۇش قولدانامىن دەپ قورقىتقان. سالدارىنان زارداپ شەككەندەر وعان 1 ميلليون تەڭگەدەن استام قاراجات بەرگەن.
«قازىرگى تاڭدا كۇدىكتىدەن تۇرعىلىقتى جەرىنەن ەشقايدا كەتپەۋ جونىندە قولحات الىندى. وعان قاتىستى قىلمىستىق ءىس قوزعالدى, سوتقا دەيىنگى تەرگەۋ امالدارى ءجۇرىپ جاتىر. قر قىلمىستىق كودەكسىنىڭ 194-بابى 2-بولىگىنە سايكەس, كۇدىكتىگە جەتى جىلعا دەيىن باس بوستاندىعىنان ايىرۋ جانە مۇلكىن تاركىلەۋ جازاسى قولدانىلۋى مۇمكىن», دەيدى وبلىستىق پد ءباسپاسوز حاتشىسى كارينا بازارباەۆا.
تەرگەۋ بارىسىندا پوليتسيا وقيعانىڭ ءمان-جايىن بۇگە-شىگەسىنە دەيىن انىقتاپ, كۇدىكتىنىڭ باسقا دا بوپسالاۋ دەرەكتەرىنە قاتىسى بار-جوعىن تەكسەرەدى.
قوستاناي وبلىسى
