فوتو: Zakon.kz.
باس كولىك پروكۋراتۋراسىنىڭ تەكسەرۋلەرى كەيبىر سىرتقى ەكونوميكالىق قىزمەتكە قاتىسۋشىلاردىڭ بۇل تىيىمدى اينالىپ ءوتىپ, قولدانىلعان شينالاردى دوڭگەلەك ديسكىلەرىمەن بىرگە اكەلەتىنىن انىقتادى.
ماسەلەن, بيىلعى جىلدىڭ ءساۋىر-ماۋسىم ايلارىندا ءبىر وڭىردە سالماعى 1,5 مىڭ تونناعا جۋىق قولدانىلعان شينالاردىڭ 159 زاڭسىز اكەلۋ دەرەگى تىركەلدى. تاعى ءبىر وڭىردە وتكەن جىلدارى 200 توننادان استام وسىنداي ءونىم اكەلىنگەن.
مۇنداي شينالار قاۋىپتى قالدىقتار رەتىندە جىكتەلەدى, ولاردىڭ پايدالانىلۋى جول قوزعالىسى قاۋىپسىزدىگىنە جانە قورشاعان ورتاعا قاۋىپ ءتوندىرۋى مۇمكىن.
پروكۋراتۋرانىڭ ارالاسۋىنان كەيىن مەملەكەتتىك كىرىستەر كوميتەتى باقىلاۋدى كۇشەيتىپ, تاۋەكەلدەردى باسقارۋ جۇيەسىندەگى شارالاردى جاڭارتتى. قۇقىق بۇزۋشىلىقتاردى انىقتاۋ جۇمىسى جالعاسىپ جاتىر.
