فوتو: اشىق دەرەككوز
ماكرون بۇل شەشىمدى تاياۋ شىعىستا تۇراقتى ءارى ادىلەتتى بەيبىتشىلىك ورناتۋعا باعىتتالعان تاريحي مىندەتپەن ءتۇسىندىردى. ول ءوز جازباسىنا پالەستينا اۆتونومياسىنىڭ باسشىسى ماحمۇد ابباسقا جولداعان رەسمي حاتىن دا قوسا تىركەدى.
فرانتسيا پرەزيدەنتىنىڭ پىكىرىنشە, پالەستينا مەملەكەتى ايماقتاعى قاۋىپسىزدىككە ەلەۋلى ۇلەس قوسا الادى. الايدا ول ءۇشىن پالەستينالىقتار ءيزرايلدى تولىق مويىنداپ, بارلىق قارۋلى توپتاردان باس تارتۋى قاجەت ەكەنىن اتاپ ءوتتى.
ماكرون قازىر نەگىزگى ماقسات رەتىندە اتىستى توقتاتىپ, تۇتقىنداردى بوساتۋدى جانە گازا سەكتورىنا گۋمانيتارلىق كومەك كورسەتۋدى اتادى. سونىمەن قاتار ول حاماس قوزعالىسىن قارۋسىزداندىرۋ, گازا سەكتورىندا قاۋىپسىزدىكتى قامتاماسىز ەتۋ جانە ايماقتى قالپىنا كەلتىرۋ قاجەتتىگىن العا تارتتى.
فرانتسيانىڭ بۇل شەشىمىن پالەستينا بيلىگى جىلى قابىلدادى. ال يزرايل پرەمەر-ءمينيسترى بينيامين نەتانياحۋ بۇل ارەكەتتى قاتاڭ سىنعا الىپ, ونى «تەرروريزمدى ماراپاتتاۋ» دەپ اتادى. ونىڭ ايتۋىنشا, پالەستينالىقتار يزرايلمەن قاتار ءومىر سۇرەتىن ەمەس, ونىڭ ورنىنا ءوز مەملەكەتىن قۇرۋدى كوزدەيدى.
ايتا كەتەيىك, قازىرگى تاڭدا بۇۇ قۇرامىنداعى 193 مەملەكەتتىڭ 140-تان استامى پالەستينانى تاۋەلسىز ەل رەتىندە مويىنداعان. بۇل تىزىمگە سوڭعى بولىپ يرلانديا, يسپانيا جانە نورۆەگيا قوسىلدى.
